ЭЕШ-ын зохион байгуулалтын үйл ажиллагаанд урьдчилан сэргийлэх хяналт шалгалт хийжээ
2020-06-30 13:24

Элсэлтийн ерөнхий шалгалтын зохион байгуулалтын бэлтгэл ажилд урьдчилан сэргийлэх хяналт шалгалтыг 2020 оны зургаадугаар сарын 29-ний өдөр хийлээ.

Нийслэлийн хэмжээнд 2020 оны ЭЕШ-ыг 43 байранд нийт 11101 шалгуулагчийг хамруулахаар зохион байгуулсан байх бөгөөд урьдчилан сэргийлэх шалгалтад 34 байр буюу 79.1 хувийг хамруулахад 55 хаалгаар орж, 49-өөр гарахаар бэлтгэсэн байна. Сэжигтэй тохиолдол илэрсэн тохиолдолд тусгаарлах өрөө 57-г тохижуулсан байна.

Шалгалтыг зохион байгуулах байрнуудын 4 байранд буюу 17.8 хувьд зураглал хийж байршуулаагүй, шалгалтын 5 байранд буюу 14.7 хувьд санамж, зөвлөмжийг зохих газруудад байрлуулаагүй, 2 байранд буюу 5.9 хувьд гар угаах нөхцөлийг бүрдүүлээгүй, 13 байранд буюу 38.2 хувьд анги танхимд гар халдваргүйжүүлэх уусмалыг байрлуулаагүй, 2 байранд буюу 94.1 хувьд ахуйн хэрэглээний халдваргүйжүүлэх бодисоор хангаагүй, нийт 805 анги танхимд шалгалтыг авахаас 457 буюу 56.7 хувийг камержуулаагүй байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй