Иргэний агаарын тээврийн Quantas компани Үйлдвэрчний эвлэлтэйгээ тохиролцож чадсангүй
2011 оны 10 сарын 31
Австралийн Иргэний агаарын тээврийн Qantas Airways компанийн ажилтнууд урт хугацааны ажил хаялт зарлаад байгаагаас үүдэн тус улсын аялал жуулчлалын салбарт томоохон хямрал нүүрлэх боллоо гэдгийг Аялал жуулчлалын сайд Мартин Фергюсон мэдэгджээ. Түүний өгүүлснээр бол дээрх компанийн удирдлага болон үйлдвэрчний эвлэлийн төлөөлөгчдийн дунд өрнөсөн яриа хэлэлцээр тодорхой үр дүнд хүрээгүй байна.

"Талууд аль аль нь буулт хийхийг бодохгүй байна. Тийм учраас тус компанийн тэргүүн Алан Жойсийн амласнаар өнөөдрөөс эхлэн ажил хаялт зарлагсдыг хоморголон халж эхлэх юм" хэмээн Фергюсон онцолжээ. Аялал жуулчлалын сайд мөн Qantas компанийн 447 нислэг хойшлогдсоноос болж 68 мянга гаруй зорчигчдын ашиг сонирхол хөндөгдсөн гэдгийг сануулав. Онгоцнууд нь ганц л өдөр нислэг хийхгүй байвал тус компани 20 сая долларын алдагдал хүлээдэг аж. Qantas компанийн охин компани болсон төрийн мэдлийн агаарын тээвэрлэгч Jetstar ажил хаялтын улмаас ихээхэн хохирч буй зорчигчдын нислэгийн тийзийн үнийг бууруулах болсноо мэдэгджээ. Түүнчлэн Сидней болон Мельбурн хотуудыг холбох нэмэлт нислэгүүдийг гаргасан байна.
www.wikimon.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй