Германы Сангийн яам 55 тэрбум еврогийн зөрүүг олжээ
2011 оны 10 сарын 31
ХБНГУ-ын Сангийн яам төсвийн тооцоог хийхдээ гаргасан томоохон алдааг илрүүлсэн байна. Ингэснээр тус улсын төсөв 55.5 тэрбум  еврогоор зузаарчээ. Энэ нь тус улсын гадаад өрийг гурван хувиар багасгахад нөлөөлсөн аж. Харин сөрөг хүчнийхэн үүнд ихээхэн эгдүүцэж буйгаа илэрхийлэв. Ийм хэмжээний зөрүү тооцоо хийсэнд тэд бухимдаж байгаа нь аргагүй юм. Уг зөрүү тооцоо нь 2009 онд дампуурлын ирмэгт хүрээд байсан Мюнхен хотын Hypo Real Estate (HRE) арилжааны зээл олгогч банкийг төрийн мэдэлд авсантай холбогдож гарчээ. Дампуурч буй банкны активыг асуудалтай хөрөнгүүдийн банкинд шилжүүлэх үеэр тооцоо алдагдаж ийм зөрүү гарсан гэнэ.

Германы Сангийн яам алдаагаа хүлээсэн бөгөөд ингэснээр тус улсын өрийн хэмжээ дотоодын нийт бүтээгдэхүүний 83.7 хувьд хүрсэн байсан нь 81.1 хувь болтлоо бараг 3 хувиар буурахад хүрсэн юм. Тус улсын Сангийн сайд Вольфганг Шойбле энэ долоон хоногт НRE банкны удирдлагатай уулзан чухам юуны улмаас ийм тооцооны зөрүү гарсныг тодруулах бодолтой байна. Харин сөрөг хүчнийхэн Сангийн яамыг ширүүн шүүмжлээд8 төсвийн мөнгийг хариуцлагагүй зарцуулж байна хэмээн буруутгах болжээ.
www.wikimon.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй