Израилийн цэргийг хулгайлсан хүнд Саудын Араб нэг сая доллар өгнө
2011 оны 10 сарын 31
Саудын Арабын хааны гэр бүлийн гишүүн ханхүү Халед ибн Таляль Израилийн цэргийг олзолж, түүнийг Палестины хоригдогсдоор сольж чадсан хүнд нэг сая хүртэлх долларын шан харамж өгнө гэдгээ амлажээ. Үүнийг тэрбээр Саудын телевизийн "Аль-Далиль" сувгаар гарахдаа мэдэгдсэн байна. "Израилийн цэргийн албан хаагчийг олзолсон хүнд манай шашны тэргүүн Авад аль-Карни нэг зуун мянган доллар өгөхөө амласан. Тэгвэл би үүн дээр нэмж хувиасаа 900 мянган доллар өгөхөө мэдэгдэж байна" хэмээн тэрбумтан ханхүү Аль-Валид ибн Талялийн дүү онцолсон байна. Исламын шашны тэргүүн Авад аль-Карнигийн амь насанд заналхийлсэн үйлдлүүд ар араасаа гарах болсон тул ханхүү ийм шийдвэр гаргахад хүрсэн гэнэ.

Израилийн Либман гэдэг гэр бүл тэдний хамаатныг 1998 онд Итцжар суурингаас холгүйхэн хороосон хүнийг барьж өгсөн хүнд нэг зуун мянган доллар өгөхөө амласны хариуд Саудын Арабын шашны тэргүүн ийм мэдэгдэл хийсэн билээ. Аль-Карнигийн хийсэн энэ мэдэгдлийн хариуд израильчууд түүний амь насанд заналхийлэх болж, зарим нэг байгууллагууд түүнийг хороосон хүнд өндөр шагнал амлах болсон юм. Аравдугаар сарын 18-нд Израилийн армийн түрүүч Гилад Шалит гэгч цэргийн албан хаагч 2006 онд Газын зурвасын хил дээрээс Палестины дайчдад олзлогдож хоригдож байгаад суллагдсан. Түүнийг сулласны хариуд Изриалийн шоронд байгаа Арабын хоригдлуудыг суллахыг шаардаж байв. Израиль улс Палестины хэт даврагсдыг эрх чөлөөтэй болгохыг хүсэхгүй байсан, чөлөөлөх хоригдлынхоо тоог тохиролцож чадахгүй байсны улмаас түүнийг суллах ажил тасалдаж байсан билээ. Эцэст нь талууд зөвшилцөлд хүрч Изриаль улс Палестины 477 хоригдлыг чөлөөлсөн бөгөөд ойрын хоёр сарын хугацаанд дахин 550 хүнийг суллах болсон юм.
www.wikimon.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй