11.23, Sunday
-15
“Шиньхуа Энержи” групп Монголд цахилгаан станц барьж өгөхөд бэлэн байна
2012 оны 2 сарын 27
Монголчууд бид тавдугаар цахилгаан станцыг барина гэсээр хэдэн ч жилийг ардаа орхив доо. Энэ хугацаанд Ухаа худаг дахь “Энержи Ресурс” компани гэхэд л бага оврын 18 мегаваттын хүчин чадал бүхий авсаархан цахилгаан станцыг хоёрхон жилийн дотор барьчихсан, үйл ажиллагаа нь жигдрээд байна. Үүнээс харахад хувь, хувьсгалын ажил хэр зэрэг урагшилж байгааг тодхон харж болно. Монголд ердөө 1000 мегаваттын хүчин чадал бүхий цахилгаан станц ганц ширхэг байхад л хангалттай.

Гэтэл энэ асуудлыг шийдэж чадалгүй өнөөг хүрснийг харахад даан ч хэлэх үг алга. Урд хөрш рүү машин машинаар нь нүүрсээ хямд гаргаж байхаар түүнийгээ эцсийн бүтээгдэхүүн болгож үнийг нь нэмж зармаар санагдах юм. Сураг сонсохнээ Хятадын “Шиньхуа Энержи” групп хэмээх томоохон компани Монголд цахилгаан станц барьж өгөхөд бэлэн байгаа аж.

Гэвч манай тал энэ асуудлыг Үндэсний аюулгүй байдалтай холбон үзэж бариулахгүй байгаа сурагтай. Хятадад тун удахгүй эрчим хүчний хомсдол дээд цэгтээ хүрч 30 хувьд хүрэх магадлал байгаа тул тэд Вьетнам, Мьянма зэрэг улсад усан цахилгаан станц байгуулж өгөөд тодорхой хэмжээний эрчим хүчийг эргүүлэн худалдан авч байна. Үүнээс гадна “Шиньхуа Энержи” групп Америк, Африк тивд 10 мянган мегаваттын хүчин чадал бүхий томоохон цахилгаан станцууд барьж өгчээ. Тус группын дэд ерөнхийлөгч “Манай улсын хувьд түүхий эд нь байгаа танай улсад 5 тэрбум ам.долларын өртөг бүхий цахилгаан станцыг барьж өгөхөд бэлэн байна. Бид нэг квт нь 50 төгрөгний үнэтэй байгаа цахилгааныг 120 төгрөгөөр эргүүлэн худалдан авч 10 жилийн дараа танай улсад уг станцыг бүрэн шилжүүлж өгөх хүсэлтэй байгаа боловч одоогоор энэ асуудал тодорхойгүй шалтгааны улмаас хойшилсоор байна” гэв. Монголчууд бид хэдий болтол хятадуудаас айж, болгоомжилж явах вэ? Бидэнд ашигтай бизнес төсөл байвал зоригтойхон шиг хэрэгжүүлэх цаг нэгэнт болжээ. Харин байгаагаа хямдхан зарж, үнэ ихтэй эргүүлж авдаг тэр сэтгэлгээнээсээ салах цаг болсон юм биш үү?
А.Дохио (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АН-ын даргаар хэн сонгогдох бол?
  • З.Энхболд
  • Р.Амаржаргал
  • Ч.Сайханбилэг
  • Э.Бат-Үүл
  • Г.Батхүү
  • Бусад