Баянхонгор аймгийн Засаг дарга Д.Амарсанаа бусдыг “2кг алт өг” гэж дарамталжээ
2012 оны 3 сарын 2
Төр барьж буй МАН-ын Засгийн газраас 17 аймагт өөрийн намын гишүүнийг аймгийн Засаг даргаар томилсон байдаг. Гэтэл өнөөдрийн байдлаар буюу 2008 оны 11 дүгээр сараас хойш бидний мэдэж буйгаар Дорнод, Булган, Орхон, Говьсүмбэр, Говь-Алтай, Архангай, Увс, Өмнөговь зэрэг 10 гаруй аймгийн Засаг дарга эдүгээ АТГ-ын үүдийг сахиж буй. Эдгээр аймгийн Засаг дарга нар бусдаас их хэмжээний авлига авсан, улсын хөрөнгийг албан тушаалаа ашиглан идэж шамшигдуулсан зэрэг хэрэгт холбогдон шалгагдаж байгаа билээ. Тус аймагтаа МАН-ыг төлөөлж байдаг “бүдүүн” дарга нар ийнхүү хэрэг түвэгт орооцолдох болсон явдал хөдөө орон нутагт тус намын чансааг унагахад хүргээд байна.

Өвөрхангай аймгийн Засаг дарга Д.Тогтохсүрэн гэхэд хамгийн сүүлд АТГ-ын хаалгыг татсан нь МАН-ын нэлээд хэдэн нөхөд дээлээ нөмрөх нь тодорхой болсныг илтгэнэ. Тэгвэл Д.Тогтохсүрэнгээр аймгийн Засаг дарга нарын эдийн засгийн гэмт хэрэг тогтохгүй бололтой. Баянхонгор аймгийн Засаг дарга Д.Амарсанааг хүмүүс Гадаад хэргийн сайд, УИХ-ын гишүүн Г.Занданшатарын гарын хүн гэдэг. Тэрбээр тус аймгийн нутаг дэвсгэрт үйл ажиллагаа эрхэлж буй нэгэн алтны компанийн захирал Д-г 2011 оны хавар “Хоёр килограмм алт өг” гэж дарамталжээ. Зөвхөн ганцхан жишээ өгүүлэхэд ийм байна. Тэгэхлээр Баянхонгорын засаг ноён ч мөн АТГ-д дуудагдах дараачийн хүнээр тодорч магадгүй юм.
А.Харанга (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй