Марко Пологийн хөшөө монголчуудад таалагдсангүй
2012 оны 3 сарын 9
Улаанбаатар хотын “Улаан талбай”-д гурван хөшөө буй. Төрийн ордны өмнө Чингис хааны, талбайн төвд жанжин Д.Сүхбаатарын, Central tower хэмээх өндөр барилгын өмнө Марко Пологийн хөшөө байдгийг хэлсэн хэрэг. Олны хөлийн, амралт зугаалгын газар болоод ч тэр үү Central tower-ийн өмнөх бяцхан талбайд хүмүүс их цуглах юм. Хүссэн ч, эс хүссэн ч тэд Марко Пологийн хөшөөг сонирхдог бололтой.

“Мартын найман”-ы баярын өдөр тэр хөшөөний дэргэд цугласан хэдэн хүн ийн мэтгэлцэх ажээ. “Энэ ер нь юун нөхөр вэ? Хэ цэс, хэн мэдэх вэ. Аялагч хүн гэсэн байх аа. Хотын төвд байдаг нь ч юүв дээ. Тийм ээ, “Марко Поло” гээд нэг уушийн газар байдаг юм билээ. Түүний өмнө л “зогсож” баймаар золиг юм. Хэний хөшөөг юуны тулд, хаана босгохыг мэддэг, газрын зөвшөөрлийг нь өгдөг барьдаг хүн баймаар даа. Нийслэлийнхээ зүрхэн тушаа газар гадны нэг тэнүүлчний хөшөөг босгочихдог улс манайхаас өөр байдаг болов уу?” гэх зэргээр ярьцгаана. Бодмоор санагдсан шүү.
Г.Мөнх (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна