Caterpillar: Төмөр брэнд
2012 оны 4 сарын 16
Дэниел Бест, Бенжамин Холт нар Caterpillar-ыг 1925 онд байгуулсан бөгөөд тэд тракторын зохистой хэлбэрийг зохион бүтээж, үйлдвэрлэхэд бүхий л амьдралаа зориулсан юм. Тэд XIX зуунд хэрэглэж байсан уурын тракторыг боловсронгуй болгохдоо, ердийн дугуйг нь гинжээр сольж , дизель хөдөлгүүртэй болгожээ.
      
Тус компани бүхий л XX зууны туршид өргөжин тэлсээр барилгын болон уул уурхайн техник, дизель түлш болон шатдаг хийгээр ажилладаг хөдөлгүүр, тэрчлэн аж үйлдвэрийн хийн хөдөлгүүр үйлдвэрлэдэг дэлхийн тэргүүлэгч үйлдвэрийн хэмжээнд хүрсэн юм. Компанийн нэрийг байшин барилга болон бульдозертай холбон ойлгодог.
     
Гэхдээ сүүлийн үед тус компани хувцас үйлдвэрлэж байгаа боловч техниктэй холбоотой нэр сүр нь шинэ бүтээгдэхүүнтэйгээ авцалдах болов уу даа. Эдний жинс болон спортын гутал нь брэндийг бий болгох, өөр зэрэглэлийн бүтээгдэхүүн болгон өргөжүүлэх бүх дүрэм журмыг бараг үгүй хийж байна. Учир нь Caterpillar барилгын техник, машины үйлдвэрийн өөр бусад тоног төхөөрөмж үйлдвэрлэдэг болохоор тэдгээр нь хэрэглэгчийн санаанд шинэ бүтээгдэхүүнүүдтэй нь авцалдахгүй байгаа юм.
     
Өнгөц харвал байдал хачирхалтай мэт боловч тус компани өөрийнх нь имижид үл таарах хувцасны үйлдвэрлэлд ихээхэн хүчин чармайлт тавьж, тэр чинээгээрээ амжилтад хүрч чаджээ. 2001 онд энэхүү үйлдвэрлэлийнх нь ашиг орлого бусад үйлдвэрүүдийн бүхий л дээд амжилтыг эвдэж, 20 тэрбум доллараас давсан байна.

Хүнд машин үйлдвэрлэдэг компани гутал, хувцас зэрэг хөнгөн үйлдвэрийн бүтээгдэхүүн гаргана гэдэг ердийн хүний санаанд нэг л багтаж өгөхгүй байлаа ч Caterpillar анхдагч зах зээл дээрээ өөрийн байр суурийг нэгэнт бэхжүүлж авсан тул өргөн хэрэглээний болон бизнесийн зах зээл дээр хамгийн өргөн хүрээг хамрах тийм бүтээгдэхүүнийг шинээр үйлдвэрлэж эхлээд байгаа юм.  

Амжилтын нууцаас  
• Аятайхан төсөөлөл. Оноо тавиланг дагахаасаа  өөрийн үнэ цэнэд илүү санаа тавьснаараа тус компани хэрэглэгчдийн бодол санаанд аятайхан төсөөллийг бий болгож, тэгснээр бүтээгдэхүүний янз бүрийн зах зээл дээр хүрээгээ тэлж чадсан юм.
    
• Бизнесээ өргөн хэрэглээний бараа үйлдвэрлэхэд чиглүүлэв. Caterpillar нь энэ номонд өгүүлсэн ABM болон Hewlett-Packard зэрэг брэндийн нэгэн адил тодорхой зорилго бүхий хэрэглэгчдийн өмнө олон талын бизнест нэрээ гаргасан тийм брэндийн нэг билээ. Гэхдээ энэ компани дан ганц чиглэлд ажилладаг брэнд хэмээх имижээ бататгахыг хүсвэл тулгарах гол саад бэрхшээл өмнө нь тосч буй авай.

Компанийн тухай товч мэдээлэл    
Вэб хуудас: www.cat.com
Байгуулагдсан он: 1925
Үйлдвэрлэгч орон: АНУ
   
Компанийн худалдаа-эдийн засгийн үйл ажиллагаа:
1. Caterpillar бол барилгын болон уул уурхайн тоног төхөөрөмж, тэрчлэн шатдаг хийгээр ажилладаг хөдөлгүүр, аж үйлдвэрийн хийн хөдөлгүүрийн үйлдвэрлэлээрээ дэлхийд тэргүүлдэг компани.
   
2. 2003 онд Caterpillar шинэ технологийн судалгаа, боловсруулалтад барагцаалвал 670 сая   долларын хөрөнгө оруулалт хийжээ.
    
3. 1997 оноос компанийн албан хаагчид 3700 гаруй патент авсан байна.
Гайхамшигт брэндүүд номоос

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй