10.23, Thursday
6
Орон сууц санхүүжилтийн корпораци МИГ даатгалтай ямар сүлбээтэй вэ?
2012 оны 4 сарын 16
Сүүлийн үед санхүүгийн эрсдэлгүй хэлбэрийг бий болгохоор даатгалын компаниуд олноор үүдээ нээж, оршин тогтнох болжээ. Харин “Монгол даатгал” гэх мэт иргэдийн даатгалыг инээж хийчихээд, эргээд хохирсон хүмүүс мөнгөө авахаар хөөцөлдөхөд мөнгийг нь өгдөггүй газруудаас болж заримдаа даатгалын нэр хүнд унах нь бий. Уул нь бол даатгалын тогтолцоо иргэнд эрсдэлгүй хамгийн найдвартай үйлчилгээ байх ёстой ч манайд яг утгаараа хэрэгжиж чадахгүй өнөөг хүрсэн нь худал биш. Даатгалын компаниудад иргэдэд төдийлөн итгэхгүй байгаагаас зарим нэг даатгалын компаниуд хаалга барих явдал гарсан ч тэд ямартаа ч жолоочийн хариуцлагынхаас эхлээд орон сууц, автомашины зээлд даатгалын системийг нэвтрүүлж чадсанаар ямартаа ч дампуурчихааргүй хэмжээнд хүрсэн.

Гэтэл энэ дундаас дэндүү монопольдож байгаа даатгалын компани бас байгааг хэлэх нь зүйн хэрэг. Жишээ нь, Төрийн албан хаагчийн 4 мянган орон сууц хөтөлбөр, одоогийн 100 мянган айлын орон сууц хөтөлбөрийн даатгалыг “МИГ” нэртэй даатгал л хийгээгүй бол хүчингүй гэх ажээ. Тэр ч бүү хэл төрийн албан хаагчийн зээлд хамрагдаж, байрандаа аль хэдийн орж 2 жил гаран болж байгаа хүмүүс рүү Орон сууц санхүүжилтийн корпорацийн зээлийн эдийн засагч нар байнга утас цохиж, “Зээл авсан хүмүүс үхээд байна шүү. МИГ дээр очоод хурдхан даатгал хийлгэ. Жил болгон хийлгэх ёстой, заавал хийлгээрэй, хурдан хийлгээрэй, Баянбүрд дотор байрлаж байгаа шүү” гэх мэтээр зандардаг байна. Даатгалыг хийлгэх боломжтой нэгэн байхад боломжгүй нэгэн ч байгаа. Ганц ч биш, амь насны болон орон сууцны даатгал хийлгэнэ гэхээр мөнгөнийх нь тоо явж өгдөг ажээ.

Одоо 100 мянган айлын орон сууц хөтөлбөрийн хүрээнд байранд орохоор хөөцөлдөж байгаа иргэдийг ч гэсэн МИГ даатгал дээр даатгал хийлгэхийг шаардах ажээ. Өөр нэгэн зээлдэгч “Номин даатгал”-д байрныхаа болон амь насныхаа даатгалыг хийлгээд очиход хүчингүй гэх мэтээр зандарсан аж. Тэгвэл “Номин  даатгал” хүчингүй даатгал хийдэг болж таарч байгаа юм. МИГ-ээс өөр даатгал Орон сууц санхүүжилтийн корпорацид ямар ч хүчингүй гэнэ. “МИГ” даатгалын компани ийнхүү ОССК-г эзэлж авсан байна. Өөр нэг эх сурвалжийн мэдээлж байгаагаар ОССК болон зээлийн эдийн засагч нарт нь МИГ-ийнхэн хувь хүртээдэг бололтой юм. Тэд ийнхүү барилгын салбарт ямартаа ч хууль бус аргаар, иргэдэд тулган шаардах аргаар монопольдоод байна. Иргэний эрх тэгшийг тунхагласан энэ нийгэмд уг нь иргэд өөрийн итгэж байгаа дуртай даатгалынхаа газарт даатгалаа хийлгэж болмоор. Гэтэл ОССК-ийн зээлийн эдийн засагч нар МИГ-ээс бусад даатгалыг хүчингүй гэж үзэж байгаа нь тэдний хооронд ямар холбоо сүлбээ, яриа хөөрөө байгаа болоод ингэж байна вэ гэсэн асуултыг асуухад хүргээд байна. Яг одоо 100 мянган айлын орон сууц хөтөлбөрт хамрагдаж байгаа иргэд энэ даатгалын талаар гомдолтой байгаагаа холбогдох албаныханд биднээр дамжуулж хэл хүргэж өгөхийг хүссэн юм.
Ж.Насаа (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Өвөл утаа багасах уу?
  • Багасна
  • Үгүй
  • Бага зэрэг
  • Хэлж мэдэхгүй