Жинхэнэ мод тарихыг уриалж байна
2012 оны 4 сарын 23
Маргааш буюу 04 сарын 24-нээс эхлэн манай улсад жилдээ 2 удаа өрнөдөг томоохон ажлуудын нэг болох мод тарих ажил эхлэх гэнэ. Сүүлийн жилүүдэд төсөв мөнгө нь нэмэгдэж байгаа энэ ажлын гол хүндрэлтэй зүйл нь байгууллага, хамт олон бүр тарьц суулгах ажлыг бие дааж идэвхтэй өрнүүлдгээс үүдэн хүмүүс ууланд ургаж байгаа нялх модыг ухаж авчраад ширхэгийг нь 8 мянган төгрөгөөр олон тоогоор худалдаалдаг байна. Тэрхүү уулын суулгац нь Нийслэлийн хөрсөнд ургахгүй үхсээр хавар, намар бүр мод тарих ажил нэг иймэрхүү өрнөдгийг хотын дендрологич анхаарууллаа.

Иймээс байгууллага, хувь хүмүүс мод тарихдаа мэргэжлийн хүний зөвлөгөө авч, зөв тарьж байгаа эсэхээ асуух ёстой гэж байна. Тэр дундаа сонгуулийн жилийн мод тарих ажил их чухал байдаг гэнэ. Учир нь, нам эвсэлүүд бүтээн байгуулалтад ач холбогдол өгч мод тарих ажилд идэвхийлэн оролцдог байна. 2008 оны сонгуулиар л гэхэд Бурхан багшийн цэцэрлэгт хүрээлэнд 5 мянган ширхэг мод тарихад уулнаас нялх мод авчирч зардаг ченжүүд мөн тооны нялх модыг ногоон намынханд авчран зарсан хэрэг гарч байжээ. Өнгөрсөн жилийн зүлэгжилт, мод тарих ажлын хүрээнд Нийслэлд 15 га газарт тарьц суулгасан бол энэ жил энэ ажлын төсөв нэмэгдэж 202 сая төгрөг болжээ. Энэ мөнгөөр 15-16 сая тарьц суулгах бөгөөд 5600 га газарт шинээр тарьц суулгаж, 6000 га газарт нөхөн сэргээлт хийх юм байна. Ургадаг л байгаа даа.
У.Сарнай (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй