“Казино” Д.Баттулга экс Ерөнхийлөгчид хоёрыг бодогдуулав
2012 оны 5 сарын 8
1998 онд “Ардчилсан холбоо” эвсэл засгийн эрх барьж байсан тэр цаг үед “Казино”-гийн гэх хэрэг дэгдэж бөөн асуудал болж байлаа. Тухайн үед иргэн Л.Байгаль Казиногийн тухай хууль батлуулахаар УИХ-ын гишүүдийг лоббидож, тэр ч бүү хэл Чингис зочид буудалд казино ажиллуулж байсныг бид мэднэ.

Энэхүү хуулийн төслийг батлуулахын тулд тэрбээр УИХ-ын гишүүдэд авилга өгсөн нь нотлох баримтаар тогтоогдсон тул Монголд анх удаагаа авлигын хэрэгт улс төрчид холбогдон аавын хаалга татаж байсан юм. УИХ-ын гишүүн Д.Баттулга, Д.Энхбаатар, С.Батчулуун нар тухайн үед сөрөг хүчин байсан МАХН-ын дарга Н.Энхбаяр нарын зүгээс хүчтэй шүүмжлэлд өртсөн бөгөөд Ардчилсан холбоо эвсэлийнхэн ч мундаг ардчилалтай гэдгээ харуулахын тулд өөрийн гурван гишүүнээ өмгөөлж хамгаалалгүй шоронд илгээсэн билээ.

Эрхэм андын буянд Бригадын генерал цолоор шагнуулсан “Казино” Д.Энхбаатар, “Халзан” Д.Баттулга нар хэдэн жил шоронд сууж байгаад гарч ирсэн бол тухайн үед Хууль зүйн сайд байсан С.Батчулуун элэгний хорт хавдартай байсан тул төд удалгүй бурхан болсон юм. Өдгөө Ерөнхийлөгчийн Тамгын газрын дарга болсон Д.Баттулга “Эр хүн туг ч барина, тугал ч хариулна” гэгчээр ШШГЕГ-ын 461 дүгээр хорих ангийн эмнэлэгт хүргэгдэж ирсэн экс Ерөнхийлөгч Н.Энхбаяртай өчигдөр өглөө 10 цагийн үед Ц.Элбэгдорж Ерөнхийлөгчийн заавраар очиж уулзсан талаар хэвлэл мэдээллийн хэрэгслүүд мэдээлэв. Урьд өмнө өөрийг нь буруутай хэмээн шоронд илгээхэд “үнэтэй хувь нэмэр” оруулсан хүмүүсийн нэг болох МАХН-ын дарга Н.Энхбаярыг тэр эргэж очиж байхдаа юу гэж бодож байсан бол? Нөгөөтэйгүүр, экс Ерөнхийлөгч Н.Энхбаяр Д.Баттулгыг явсаны дараа юун тухай эргэцүүлж бодсоныг эрхэм уншигч та надаар хэлүүлэлтгүй мэдэж буй биз ээ.
Х.Балт (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй