Ахмадын чөлөөт холбооны Г.Баасан дэлгэцэнд хүч үзэв
2012 оны 5 сарын 16
Ганбуушаас эхлээд санаанд оромгүй хүмүүс үндсэн ажлаа орхиж, дэлгэцийн салбарт хүч үзэх болжээ. Эдгээр хүмүүсийн нэг бол Ахмадын чөлөөт холбооны тэргүүн Г.Баасан. Тэрээр үе үеийн сонгуулиар Төрийн ордны гадна тэмцэл, цуглаан хийдэг байсан бол энэ хаврын хувьд бараг л харагдаагүй гэхэд болно. Түүнийг МҮОНТ-ийн бүтээл “Ялагдашгүй” нэртэй олон ангит уран сайхны кинонд ам хэлтэй, шударга цэвэрлэгчийн дүр бүтээснийг олж үзсэн үзэгчид их л гайхан хүлээн авч, тэмцэл хийхээ болиод кино жүжигчин болж хэмээн жиг жуг хийж байна.

Олон ангит уран бүтээлд тоглохоос гадна тэрээр энэ жил МУИС-ийн Хууль зүйн сургуулийг амжилттай дүүргэсэн бөгөөд УИХ-ын сонгууль манатай яваа нэг шалтгаан нь хонхны баяраа тэмдэглэх гээд завгүй байгаагийнх аж. Ийнхүү тэмцэгч Баасан төгсөгч болж, давхар дэлгэцэнд хүч үзэхээр шийдээд байгаа бололтой. Нэмж хэлэхэд МҮОНТ-ийн “Ялагдашгүй” гэх бүтээлээр нийгэмд байгаа авлига, хээл хахууль, мөнгөөр бүхнийг шийдэж, мөнгөтэй хүнд хууль үйлчлэхгүй байгааг хурцаар шүүмжлэхийг шийдсэн гэнэ.
Б.Ану (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
”Эрдэнэт”-ийн 49 хувийг төр буцааж авах нь зөв үү?
  • Зөв
  • Буруу
  • Мэдэхгүй