МҮОНТ-ийн захирал Ц.Оюундарь нутгаасаа дэмжлэг авч чадсангүй
2012 оны 5 сарын 22
Маргааш буюу 5-р сарын 23-нд АН-ын ҮЗХ хуралдаж нэр УИХ-ын сонгуульд нэр дэвшигчдээ албан ёсоор тодруулах аж. Одоогоор ганцхан аймгийн нэр дэвшигч нар эцсийн байдлаар тодорхой болсон агаад үлдсэн тойргуудынх тодорхойгүй байгаа юм байна. Улаан аймагт гэж нэрлэгддэг МАН-ын улаан фен болсон Говь-Алтай аймагт тус намын ҮЗХ-ний хурал ширүүн дориун өрнөж, шөнө дөл хүргэсэн юм байх. Ингээд ганц мандатын төлөө ЭБЭХ-ний дэд сайн асан Б.Ариунсан, МҮОНТ-ийн захирал Ц.Оюундарь, Г.Авхиа генералын хүү А.Амгалан нар өрсөлдөж Б.Ариунсан 72.4 хувийн дэмжлэгээр нутгаасаа нэр дэвшихээр болжээ. Монголын хэвлэл мэдээллийн хамгийн том сувгийн толгой дээр сууж буй хатагтай Ц.Оюундарь “20-р зуун” төслийг хэрэгжүүлэн эртнээс олны танил болсон ч ийнхүү нутгаасаа дэмжлэг авч чадсангүй. Говь-Алтай аймгийн хувьд ардчилалд итгэдэг иргэд олонтой ч сонгуулийн үр дүн нь өөр гардагаараа алдартай аймгуудыг тэргүүлэгч билээ.
П.Сүндэр (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
”Эрдэнэт”-ийн 49 хувийг төр буцааж авах нь зөв үү?
  • Зөв
  • Буруу
  • Мэдэхгүй