АПУ-гийн П.Батчимэг Дорнодын Засаг дарга Ц.Жанлавыг шилдэг борлуулагчаар өргөмжлөв
2012 оны 5 сарын 24
Аймгийн засаг дарга архи зарж болохгүй гэсэн хууль нэгэнт батлагдаагүй болохоор яаж зүгээр байхав гэсэн шиг энэ бизнест хүч үзэж яваа нэгэн бол Дорнод аймгийн засаг дарга Ц.Жанлав. Тэрбээр Авлигатай тэмцэх газарт шалгагдаж байсан ч хэрэг нь юу болсон талаар таг чиг байгаа. Хууль шүүх, авлигатай тэмцэх газрын өмнө ч ийнхүү пээдийдэг тэрбээр харин АПУ-гийн захирал П.Батчимэгийн өмнө яс долоосон нохой шиг гүйдэг аж. АПУ-гийн захирал П.Батчимэгийг Дорнод аймгийн АН-ын ҮЗХ-ний гишүүн гэдгийг хүмүүс мэднэ. Тэрээр тус аймагт нэр нөлөө олохын тулд Ц.Жанлавыг гарын хүнээ болгож, АПУ-гийн архи зардаг анхан шатны гэрээт борлуулагч хийлгэж амьдралыг нь багагүй тэтгэсний ачаар аймгаас зохион байгуулж байгаа арга хэмжээнд үг хэлж нэр нүүрээ багагүй өсгөж авсан гэдэг. Хариуд нь ч П.Батчимэг Ц.Жанлав даргыг архи сайн борлуулагч хэмээн шагнасан юм гэнэ лээ.

УИХ-ын дэд дарга Г.Батхүү ахыгаа дууриаж флаш дискэнд нэрийн хуудсаа 5 мянган ширхэгийг хэвлүүлэн Хятадын эдийн засгийг дэмжээд зогсохгүй, одоо тэрхүү флаштай гайхамшигт нэрийн хуудсаа аймгийн залууст баруун солгойгүй цацаж сонгуулийн хууль зөрчжээ. Архи зарж ард олныг согтууруулснаараа оны шилдэг эмэгтэйгээр тодорсон П.Батчимэг захирал Дорнодоос нэр дэвшвэл гэрээт борлуулагчаа ашиглана хэмээн маасайтал инээж наргидаг байжээ. Гэрээт борлуулагч ч түүний итгэлийг алдахгүй гүйдэг гэж байгаа. АН-аас их хуралд өдгөө суугаа П.Алтангэрэл гишүүний нэр хүндийг унагах ажилд ч П.Батчимэгийн оролцоо их байсан талаар зарим эх сурвалж хэлж байна. Гэвч тэрээр УИХ-ын сонгуульд нэр дэвших шаардлага хангаагүй тул арга буюу Орон нутгийн сонгуульд АН-ын жагсаалтад оржээ.
Д.Гал (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй