Эдийн засагч Н.Дашзэвэг гэрээ зассаныхаа дараа нэр дэвшвэл яасан юм бэ?
2012 оны 6 сарын 8
Монгол дээд сургууль хэмээх томоохон хувийн сургуультай эдийн засагч Н.Дашзэвэг нэр алдарт ихээхэн дуртай нэгэн. Тэрбээр 2004 оны УИХ-ын сонгуульд Сүхбаатар дүүрэгт нэр дэвшээд Ц.Мөнх-Оргилд ялагдаж байсан түүхтэй. 2008 онд өнжсөн тэрбээр энэ жилийн УИХ-ын сонгуульд “Шударга-ёс” эвсэлээс БГД-т буюу УИХ-ын сонгуулийн 25-р тойрогт нэр дэвшиж байгаа юм. Хүн гэрээ зассан хойноо төрөө засах учиртай хэмээн эрт дээр үеэс өвгөд хөгшид сургаж ирсэн.

Гэтэл гэрээ засаагүй байж төрөө засна хэмээн их хуралд санаархаж буй Н.Дашзэвэгийн толгойлсон сургуульд асуудал даанч олон байна. Сургуулиас нь шилжиж, өөр сургуульд орно, сургалт муутай байгааг шүүмжилсэн эцэг, эхчүүдээс мөнгө нэхэж хүүхдийнх нь бичиг баримтаар барьцаалж байгаа сураг байгаа. Гэтэл үүний хажуугаар Засгийн газраас олгож буй оюутны тэтгэлгийн 70200 төгрөгийг оюутнууддаа сүүлийн хоёр сар өгөөгүй байна.

Энэ мөнгөнийхөө талаар асуусан оюутнуудад сургуулийн өргөтгөл барих ажилд хандив нэрээр суутгаж авсан гэсэн тайлбар өгчээ. Уул нь хувийн сургууль төлбөр өндөртэй байхад сургуулийнхаа байрыг тохижуулах, өргөтгөх, эсвэл нарийсгах эсэхийг өөрсдийнхөө ашгаас л шийдэх учиртай. Гэтэл оюутнуудад төрөөс өгч байгаа мөнгийг ийнхүү эхний сард нь гацааж банкинд хадгалуулаад, дараагийн сараас нь эхлэн улаан цайм луйвардаж авсан ажээ. Магадгүй сургуулийн өргөтгөлөөс илүү оюутны 70 мянгаар сонгуулийн ажил хийж байгааг үгүйсгэх аргагүй юм.  Хичээлийн хоёр ч томоохон байртай энэ сургууль хаанаа өргөтгөл барих гэж байгааг мэдэхгүй ч энэ өргөтгөлийн мөнгийг нь оюутнууд хоёр сарынхаа 70200 төгрөгөөр босгох гэж байгаа нь энэ. Нэг оюутан 140400 төгрөгийг сургуульдаа хандивласан байна. Үүнд оюутнууд дургүй байгаа ч дүнгээрээ боолчлуулж хясуулахаас айж, өдгөө юу ч хэлж чадахгүй хичээл тарахад хүрч байгаа аж. Магадгүй, гишүүн болчихвол иргэдэд зарцуулагдах тойргийн төсвийг Н.Дашзэвэг авхай эдийн засагчийн нүдээр олзлон Монгол дээд сургуулийн барилгад зарцуулж мэдэх л юм.
У.Сарнай (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад