МАН-аас нэр дэвшигч С.Түмэнгэрэл: “Би боовтойгоо 20 жил ноцолдлоо”
2012 оны 6 сарын 18
Нийслэлийн Сонгинохайрхан дүүрэгт МАН-аас сүүлийн агшинд нэлээдгүй зоос тушааж нэр дэвшихээр болсон нөхөр бол “Өгөөж чихэр боов” ХК-ийн захирал С.Түмэнгэрэл юм. Тэрбээр улс төрийн тогоо руу өнгийх нь бүү хэл боов, боорцог чанадаг тостой халуун тогоо руу л тэргүүнээ гудайлгаж явснаас биш Монголын төр түшилцэх хэмжээний хүн яавч биш гэдэг нь тодорхой билээ.

Саяхан С.Түмэнгэрэл нэр дэвшигч тухайн дүүргийн сонгогчидтой уулзаж явахдаа “Би 20 жил энэ боовтойгоо ноцолдлоо” гэж хэлээд бөөн онигоонд оржээ. Уг нь бол тэрбээр эгэл жирийн ард түмний хүү мэт дүрд тоглохоор санаархаж ийнхүү буруу зөрүү ярьж сонгогчдыг хөгжөөсөн байна.

Угтаа бол өөрийнхөө ажил мэргэжлээр л 20 жил тасралтгүй ажилласан гэж хэлэх гэсэн санаатай байсан юмсанж. Тэрхүү уулзалтаас хойш эрхэм нэр дэвшигч “Би сүүлийн 20 жил боов боорцогтойгоо л ноцолдож байна” хэмээн засч, залруулж ярьж явах болжээ. Харин аж үйлдвэрийн гавьяат залууг дүүргийн сонгогч олон улам сайн ажлаа хийхийг ерөөж байснаас бус улс төрч болох тал дээр нь хүлээж авахгүй байгаагаа ний нуугүй хэлжээ. Тиймээс нэр дэвшигч С.Түмэнгэрэл цаашид олон арван жил тэтгэвэрт гартлаа сурсан ажлаа хийж боовтойгоо ноцолдох л үлджээ.
Х.Балт (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад