УИХ-ын гишүүн Л.Энх-Амгалан нутагтаа амраад “нислээ”
2012 оны 7 сарын 9
Хөвсгөл аймагт МАН-ын нэр төрийг аварсан хүн бол яахын аргагүй Л.Энх-Амгалан гэдэгт намын дарга нь баяр хүргэж Буянт-Ухаа дээр угтан авлаа. Өнгөрсөн дөрвөн жилд өөрийн PR-ийг тасралтгүй явуулсны хүчинд толгой өвдөх юмгүй тус аймагт дархлагдаад байсан ноён Л.Гүндалайг хол хаяж түрүүлсэн тэрбээр сонгуулийн ажлаа мөнгөний дутагдалд оролгүй элбэг дэлбэг явуулж, хөвсгөлчүүд гагцхүү Л.Энх-Амгаланг чухам хэнтэй хамт УИХ-д зэрэгцүүлэн суулгахаа л бодож сонголтоо хийжээ.

Сонгуулийн дүн гарсны дараа баг хамт олонтойгоо Хатгалаас хойш 50 км-т орших Тойлогт амралтанд гэр бүлтэйгээ гурав хоног амарч байтал түүнийг гэнэт дуудаж шинэхэн гишүүн маань түрүүлээд нисчээ.

Түүнийг гаргаж өгсөн Хөвсгөл аймгийн МАН-ынхан “Манай Л.Энх-Амгалан дуу цөөтэй даруухан, аймагт нэг юм болохоо болилоо гэхэд нисээд ирдэг юм, нисээд явдаг юм. Ихэмсэг, бардам, онгироо зангүй дандаа бүх зүйлийг биечлэн удирдаж, өөрөө гардан нутгийнхаа зовлон бэрхшээлд сэтгэлийн хандив өргөдөг” хэмээн ам бардам ярьжээ. Сүүн цацал өргөж төр түшилцэхүүлэхээр илгээсэн Л.Энх-Амгаланг нутгийнхан нь “жинхэлээд” буцаалаа хэмээн ярьсаар хоцорчээ.
Г.Заяа (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй