10.25, Saturday
-5
Жирэмсэн эмэгтэйд яншуй өгч болохгүй
2011 оны 11 сарын 21
Яншуй:   
Зүрхний өвчинд тустай. Шээс хөөх үр нөлөөтэй, түүний дотор инсулин агуулагддаг тул яншуйг чихрийн шижинтэй хүмүүст  хоол хүнсэндээ хэрэглэхийг зөвлөдөг байна. 50 гр яншуйд С аминдэмийн бүх л өдрийн хэрэгцээ нуугдаж байдаг ажээ. Мөн түүнчлэн булчин ба ясанд тустай кали, фосфор зэрэг бодис агуулагдахаас гадна зүрхний хэмнэлийг тогтворжуулж нойргүйдлийг үгүй хийдэг магни бас байдаг аж. Мөн түүнчлэн төмөр, цайр, фтор ба флавоноид зэрэг хорт хавдраас сэргийлдэг бодисууд байдаг ажээ. Хамгийн сүүлчийн хийсэн судалгаанаас үзэхэд яншуйг жирэмсэн эхчүүд хэрэглэхийг хориглодог аж. Энэхүү ногоо нь эхийн савыг агшаадаг. Түүнийг давсаг болон бөөрний өвчний үед тун болгоомжтой хэрэглэх ёстой аж.
 
Салат: Түүнээс болж гэдэс өвддөг үү?
Шинэ ногоонуудаас салатт нь хамгийн хоргүй ногоо аж. Түүнд полийн хүчил ба бага зэргийн С аминдэм агуулагддаг аж. Аскорбиний нэг өдрийн хэрэгцээг авахын тулд хагас кг салат бага зэргийн ургамлын тостой зажилбал болох аж. Энэ бол дуртай хүний хийх ажил. Саяхан Америкийн эмч нарын хэлснээр бол оршин суугчдынх нь хамгийн дуртай латук-салат нь тун аймшигтай ургамал аж.
Тэрбээр гэдэсний өвчинг үүсгэх бөгөөд тэдгээр нь нэг их сайнаар дуусдаггүй аж.
Салатыг нойр булчирхай, шээс алдалт, элэгний өвчин, ходоод болон шулуун гэдэсний шархлаа, бөөрний чулуутай үед хэрэглэхээс татгалзах хэрэгтэй аж.

Гаа: Биеэ суллаж тайван унт
Энэ нь толгойн өвчнийг үгүй хийж, зүрх судасны өвчний үед ач тустай агаад цусны ханыг өргөсгөж тайвшруулдаг аж. Түүнийг заримдаа эмэгтэй өвс хэмээн нэрийддэг агаад сарын тэмдэг ирсэн үед хэрэглэхийг зөвлөдөг байна.
Түүнийг зургаан нас хүртлэх хүүхдэд идүүлэхээс цээрлэх хэрэгтэй. Сөрөг заалт нь уушигны багтраа.

Сармисны хумс: Нянгын дайсан
Тэрбээр өөртөө сонгиныг бодвол гурав дахин илүү С аминдэмийг агуулдаг аж. Сармисны гол нь фитонцид бодис ялгаруулдаг аж. Харин хумс нь агаарт цэвэршүүлэн хамгаалах давхаргыг ойр тойрондоо үүсгэж, түүнд орж ирсэн олон тооны өвчин үүсгэгч нянгууд үхэж үрэгддэг байна. Түүхийгээр нь хэрэглэвэл атеросклероз өвчний үед тун их үр дүнтэй байдаг аж.
Сөрөг заалт: Зүрх болон бөөрний өвчин, үе мөчний өвчин, нойр булчирхай, ходоодны шарх, элэгний үрэвсэл болон ходоод гэдэсний өвдөлт хурцадсан үед тун болгоомжтой хэрэглэх шаардлагатай аж.

Ногоон сонгино: Зүрх муутнуудын хүнс
Сонгино нь ойролцоогоор 250 төрөл байдаг аж. Тэдний ихэнхэд кали байх агаад тэрхүү бодис нь зүрхний хэмнэлийг тогворжуулж ханиад томууны үед биеийн дархлаажуулалтыг сайжруулагч фитонцидыг дээшлүүлэхэд их ач тустай ажээ. Дунджаар 100 гр ногоон сонгино дотор С аминдэмийн нэг хоногийн хэмжээ агуулагддаг байна. Ер нь сонгиныг зүрх судасны өвчтэй хүн хэрэглэж байх нь тустай. Сонгиныг гол төлөв салатанд хийж идэх нь сайн үр дүнтэй байдаг. Түүхий ногоон сонгиныг нойр булчирхайн үрэвсэл, шээс алдалт, элэгний үрэвсэл, ходоод гэдэсний шархлааны үед зажилж идэж болохгүй.

Ногоон гоньд: Даралт бууруулна
Энэхүү ногоо нь кератин болон С аминдэмээр баялаг. Тиймээс нүдний хараанд тустай аж. Даралт бууруулахад туйлын сайн үр нөлөөтэй. Яншуй дотор агуулагддагаас түүн доторх С аминдэмийн хэмжээ арай бага боловч бас л чамгүй ихээр агуулагддаг аж. Үүнээс гадна кальци, фосфор ба магни агуулдаг аж. Ходоод гэдэсний үйл ажиллагааг тогтворжуулна. Хамгийн гол нь түүхий байдлаар хэрэглэх нь илүү үр дүнтэй. Даралт багатай хүмүүс нэг их хүсээд байх эд биш ажээ. Хэт ихдүүлбэл тэдний хувьд бие нь суларч, толгой эргэж ухаан алдаж ч болох юм.
www.wikimon.mn Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Өвөл утаа багасах уу?
  • Багасна
  • Үгүй
  • Бага зэрэг
  • Хэлж мэдэхгүй