09.23, Tuesday
-4
Ахуй үйлчилгээний салбар уналтанд ороход ойрхон байна
2012 оны 11 сарын 7
Манай улсын аж үйлдвэрийн салбарын хамгийн ууган нь ахуй үйлчилгээний салбар гэдэгтэй хэн ч маргахгүй. Тэгвэл ууган энэ салбар өнөөдөр төрөөсөө хаягдаж, амин зуулгын салбар болж хувирсан нь олон муу үр дагаврыг бий болгожээ. Цагтаа 200 ажлын байртай, аймаг бүрт ахуйн үйлчилгээний 14 комбинаттай, төрөлжсөн 4 үйлдвэр, сум, суурин газарт ахуйн үйлчилгээний 181 төвөөр дамжуулан нийтдээ 2100 гаруй цэг салбарт 31600 ажиллагсад ажиллаж байсан ахуй үйлчилгээний салбарынхан өнөөдөр барилга байшингийн орц хонгил, подвалд бор зүрхээрээ ажиллан олсон орлогынхоо дийлэнхийг түрээсэндээ өгч амьжиргаагаа залгуулж байгаа нь зохисгүй гэдгийг салбарынхан хэлж байна.

Үсчин, гоо сайханч, гуталчин, цаг засварчин, оёдолчин гээд бидний амьдралын чухал хэрэгцээтэй энэ салбарт залуус сонирхож орохгүй, сургалт боловсон хүчний асуудал хамгийн чухал нь болоод байгаа гэнэ. Нээрээ ч ахуй үйлчилгээний салбарын нийт ажилчдын 90 орчим хувь нь насжилтанд өртсөн ахмадууд байдаг бөгөөд залуучууд дээд мэргэжлийг дэндүү эрхэмлэж байгаагаас ахуй үйлчилгээний салбарт орж ажиллах нь тун бага аж.

Нөгөө талаар ахуй үйлчилгээний салбарт ажил үйлчилгээ явуулъя гэсэн хүмүүст төрийн дэмжлэг зайлшгүй чухал хэрэгцээтэй байгааг тэд хэлж байна. Нийслэлийн захирагчийн ажлын албаны дэргэдэх үйлдвэрлэл үйлчилгээний хэлтсийнхэний хэлж байгаагаар бол урьд өмнөх үеэ бодвол дарамт харин ч багассан гэнэ. Гэхдээ л бүрдүүлэх бичиг баримтын жагсаалтыг нь харвал олон байгууллага дамжиж бичиг цаас бөглөдөг нь хэвээрээ байсан юм. Ямартаа ч ууган салбар болсон ахуй үйлчилгээний салбарыг хаяж орхигдуулж болохгүй нь тодорхой. Шинэчлэлийн гэгдэх Засгийн газрын мөрийн хөтөлбөр ч энэ салбарт хандуулагдсан, тодорхой зүйл байгаа бөгөөд үүнийг хурдан хэрэгжүүлэх хэрэгтэй байгааг ахуй үйлчилгээний салбарынхан хэлж байна. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Өвөл утаа багасах уу?
  • Багасна
  • Үгүй
  • Бага зэрэг
  • Хэлж мэдэхгүй