08.22, Friday
13
Иргэдэд 0,07 га газраа өмчлөх талаар мэдээлэл хомс байна
2012 оны 11 сарын 15
Газар өмчлөл, газрыг өмчлүүлнэ, иргэдэд өгнө гээд яриад байгаа боловч үнэн хэрэгтээ иргэд газраа өмчилж чадахгүй байна. Газар өмчлөл хангалтгүй байгааг албаныхан ч хүлээн зөвшөөрч байгаа юм. Иргэд газар өмчлөх талаар мэдээлэл хомс, мөн шинээр өмчлүүлж байгаа газар нь хотоос алслагдсан, дэд бүтэц хөгжөөгүй түүнчлэн иргэд газар өмчлөхөд олон шат дамжлага дамжиж байгаа нь хүндрэл, чирэгдэл учруулж байгааг хэлж байна. Иргэд газар эзэмших, өмчлөх гэдгийг хольж ойлгох тохиолдол гардаг. Эзэмшинэ гэдэг нь улсын газрыг түр хугацаагаар ашиглаж байна гэсэн үг. Харин өмчилнө гэхээр газраа захиран зарцуулах эрхтэй болох юм. Тэгэхээр хашааныхаа газрыг өмчлөөгүй иргэд газраа үнэгүй өмчлөх боломжтой. Хэрвээ хашааны газар 0,007 га газраас илүү гарвал 1 м2-ийг нь 13 мянга 200 төгрөгөөр худалдан авч болно.

Иргэд 0,07 га газраа өмчлөхдөө иргэний үнэмлэхний хуулбар, өмчлөх гэж байгаа газрын кадастрын зураг, өргөдөл, оршин суугаа газрынхаа тодорхойлолтыг харьяа аймаг, сум, дүүргийнхээ газрын албанд өгнө. УБ хотын харьяалалтай иргэд нийслэл хотын ойр орчим болон аль ч аймаг, суманд газар өмчлөх эрхтэй. Газар өмчлөлийн хэмжээний хувьд аймгийн төвд 0,35 га, сумын төвд 0,5 га, нийслэлийг аймгийн төвтэй холбосон улсын чанартай  авто замын дагуу 0,07 га газрын үнэгүй өмчлөх эрхтэй. Харин хөдөө орон нутгийн иргэд зөвхөн орон нутагтаа л газар өмчлөх эрхтэй юм. Тэрчлэн 0-18 насны хүүхэд болон гадаадад амьдарч байгаа иргэд хууль ёсны төлөөлөгчөөрөө дамжуулан 0,07 га газраа өмчилж болно. Иргэн бүр 0,07 га газрыг үнэгүй өмчлөх хугацаа 2013 оны 5-н сарын нэгэнд дуусна. Цаашид иргэдэд газрыг үнэтэй өмчлүүлэх, эсвэл газар өмчлөх хугацааг сунгах эсэх  шийдвэр гараагүй байна. Яг өнөөдрийн байдлаар л гэхэд газар өмчлөх тухай ажил хэрэгжихгүй, Газрын алба ямар ч шийдвэр байхгүй учир иргэдэд газар өмчлүүлэхгүй гэдгийг хэлж байна. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Эдийн засгийг эрчимжүүлэх 100 хоногоор эдийн засаг сайжирсан уу?
  • Тийм
  • Үгүй