11.24, Monday
-2
Н.Номтойбаяр Нөмрөгийн дархан цаазат газрыг түйвээхийг завдаж байна
2013 оны 1 сарын 10
Дорнодчуудын төлөөлөл болж УИХ-ын гишүүний өндөр сэнтийд заларсан Н.Номтойбаяр гэгч сүйхээтэй залууг монголчууд өөрсдөө сайлж, муулсаар байгаад од болгочихоод одоо амаа барьж сууна. Түүний зан авир, зугаа цэнгэлийг ид бах болгон муулж сурталчилсан явдал түүнийг нийгэмд сөргөөр од болгочихсон хэдий ч энэ залуу тал нутагт нэрээ дэвшүүлэн 10059 хүний саналаар УИХ-ын гишүүн болчихсон нь түүхэнд ямартаа ч бичигдэх юм.
    
УИХ-ын эрхэм гишүүн болсноосоо хойш тойрогтоо ажиллаж, уулзалт зохион байгуулахаасаа илүү зөвхөн тус аймгийн Ардын намынхантай уулзсаныгаа тойрогтоо ажиллаад ирлээ хэмээн шоудах болсон Н.Номтойбаяр өнгөрсөн жилийн 11 дүгээр сарын эхээр Ерөнхийлөгч Ц.Элбэгдоржийн Дагуурын дархан газар болох Халх нөмрөгийн сав газар амрахдаа ганц нэг бодон гахай авласан тухай мэдээллийг сонсчихоод өөрийнхөө сонгогдсон тойрогт их ан ав зохиохоор төлөвлөж байгаагаа найз нөхөд, ойр тойрныхондоо сайрхан ярьж яваа аж.
    
Хүүгээ УИХ-ын гишүүн болгохын тулд МАН-ын Тусгаар тогтнолын ордонд хувиасаа нэг тэрбум төгрөг хандивласан МАК-ийн Б.Нямтайширын хүүгийн талаар цагтаа УИХ-ын гишүүн, Жадамбаа генералын хүү Энхбаяр “Их хэмжээний мөнгө намд хандивласнаар УИХ-д нэр дэвших боломж нь нээгдэхгүй” хэмээн ярилцлага өгч байсан билээ. Гэвч нам нэгт залуус сонгуулийн дараа өөрийн эрхгүй эвлэрч, тэр ч бүү хэл Хан Хэнтийн дархан цаазат газар МАК-ийн мэдлийн нисдэг тэргээр зорчиж чоно, бодон авласан тухай хэвлэлээр нэг цацагдаж байсан цаг саяхан.
    
Дорнод нутгийнхан түүнийг Хан Хэнтий нутгийн хөвч тайгын ан амьтдыг догшроочихоод одоо бүр гаарч Халх нөмрөгийн онгон дагшин байгалийг эрх мэдэл, элдэв техник хэрэгсэлтэй ирж түйвээх гэж байгааг нь сонсоод туйлын ихээр дургүйцэж байгаа аж. Нутгаас нь сонгогдсон Н.Номтойбаяр гишүүнийг сумтай буу агсахын оронд өвс тэжээл ачаад өвөлжилт хүндэрсэн айл хотоор явбал өөрийнх нь ирээдүй хойчид хэрэгтэй юмсан хэмээн ахмад буурлууд хуучилж суугаа гэнэ шүү. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АН-ын даргаар хэн сонгогдох бол?
  • З.Энхболд
  • Р.Амаржаргал
  • Ч.Сайханбилэг
  • Э.Бат-Үүл
  • Г.Батхүү
  • Бусад