11.24, Monday
-19
Таван килограмм жинтэй шижир алт олжээ (видео)
2013 оны 1 сарын 18
Австралийн нэгэн алт хайгч нинжа эр таван килограмм 505 граммын жинтэй шижир алт олсон байна. Цул алтыг тэрбээр Виктория мужийн Балларат хотоос холгүйхэн газрын гадаргаас 60 сантиметрийн гүнд илрүүлжээ. Ховор олдвор олсоныхоо дараа нинжа эр ашигт малтмалаар дагнан ажилладаг дэлгүүрт очоод тэндхийн мэргэжилтэнтэй зөвлөлдсөн аж. Дэлгүүрийн эзэн өмнө нь ийм том хэмжээтэй шижир алт харж байгаагүй гэж өгүүлэв.

Мэргэжилтэн уг алтыг хайлуулж худалдвал 315 мянган долларын үнэ хүргэнэ гэж ярьжээ. Харин унаган байдалтайгаар нь зарвал түүнээс хамаагүй илүү үнэ хүрэхийг онцолсон байна. Энэ шижир алтыг хувийн цуглуулагч юм уу музейд худалдахаар болов. Нинжа эр эрэл хайгуулдаа ультра орчин үеийн төхөөрөмж ашигласан бөгөөд шуналтай хүмүүс түүний замаар замнахаар олноороо ирж байгаа гэнэ.



Хамгийн сүүлд өнгөрсөн оны зун уг нутгаас том хэмжээтэй шижир алт олдсон билээ. Тэгэхэд 3.66 килограмм жинтэй цул алт илэрсэн юм. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АН-ын даргаар хэн сонгогдох бол?
  • З.Энхболд
  • Р.Амаржаргал
  • Ч.Сайханбилэг
  • Э.Бат-Үүл
  • Г.Батхүү
  • Бусад