“Номин”-гийн харилцагчид бухимдалтай байна
2013 оны 1 сарын 23
Монголдоо л номер нэг хэмээн өөрсдийгөө салам рекламддаг “Номин”-гийнхон харилцагчдаа дэндүү зутраах болжээ. Бусдын эд бараа, бүтээгдэхүүнийг хэдэн дэлгүүрээрээ худалдаалж, хамгийн өндөр буюу 28 хувийн шимтгэл авч хөрөнгө чинээгээ арвижуулдаг тус компанийн нярав, ажилчид нь дэндүү хүнд сурталтай болсны дээр харилцагчдаа нааш, цааш гүйлгэн үгийг нь барж байгаа аж. Тэднийг эгээтэй л хөөж туух нь холгүй юм болж байгаа юм байх.

Улсын их дэлгүүрийн зургаан давхарт бараа, бүтээгдэхүүнийг падааны дагуу хүлээж авдаг байсан бол тэндээ засвар оруулсан тул баруун хойд хаалгаар орох подвалдаа харилцагчдыгаа хүлээж авах нэрийдлээр жинхэнэ зутрааж байгаа гэнэ шүү. Дэндүү хүнд суртал гаргаж байна гэсэн гомдлыг нэгэн харилцагч нь бидэнд ирүүллээ.

Барааны код чинь уншигдахгүй байна, бар кодоо наагаад ир, үнэ чинь зөрүүтэй байна гэж харилцагчдаа дээш, доош нь хэдэнтээ явуулж хүнд суртал гаргах нь ихэсчээ. Холбогдох менежер дээр нь очиход “Энэ чинь зүгээр л байна шүү дээ” гээд ихэд ууртай буцаах аж. Ганц нэг бараа тавиулж заруулах гэсэн биш хагас өдрийн ажлаа алдахад хүрч байгаагаа харилцагчид нь бухимдангуй ярьж явна. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад