07.23, Wednesday
11
ГОК-ийн захирлыг яаравчлан сольсоны учир юу вэ?
2013 оны 2 сарын 4
ГОК-ийн ерөнхий захирал асан Ч.Ганзориг Улаанбаатар хотод эмчлүүлж байгаад саяхан “сайн дураараа” өргөдлөө өгч ажлаасаа гарсан билээ. Тэгвэл дэд захирлууд ч мөн шил шилээ даран ажлаа өгсний дотор санхүү хариуцсан дэд захирал Б.Жаргалсайхан хамгийн сүүлд ажлаа өгөөд байна. ГОК-ийн ерөнхий захирлын үүрэг гүйцэтгэгчээр Даваацэдэн хэмээх мэргэжлийн эрхмийг тохоон томилсон хэмээн АН-ынхан бор шувуу нисгэж эхэллээ. Энэ нь удахгүй болох гэж буй Ерөнхийлөгчийн сонгуулийн өмнө ГОК руу улс төрийн томилгоо хийгээгүй гэсэн мессежийг ард түмэнд өгөх зорилготой байжээ.

Мэдээж хэрэг, Монголын тал дангаараа дур мэдэж ерөнхий захирлыг томилдоггүй тул ийнхүү он гаруут яаравчлан үүрэг гүйцэтгэгч томилсон нь цаанаа учиртай аж. Шинэ оны эхээр ГОК-ийн алдарт гэрээнүүд хийгддэг тул ийнхүү Ч.Ганзориг захирлыг яаравчлан солиход хүрчээ. Улмаар дэд захирлуудын местэнд АН-ын гишүүдийг тохоон томилсон нь ч үүнтэй холбоотой бөгөөд Ерөнхийлөгчийн сонгуулийн мөнгийг босгох ажил удахгүй хийгдэж эхлэх бололтой. Сонгуулийн дараа Зөвлөлийн хурал болмогц Даваацэдэнг огцруулж, оронд нь “жинхэнэ” ерөнхий захирал томилогдоно гэх яриа саарал ордонд гарчээ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Эдийн засгийг эрчимжүүлэх 100 хоногоор эдийн засаг сайжирсан уу?
  • Тийм
  • Үгүй