07.31, Thursday
18
Шүүх эмнэлгийнхэнд 150 мянган төгрөг бол мөнгө биш
2013 оны 3 сарын 1
Манай улсад амьдралаас хол тасарчихсан шийдвэрүүд багагүй байх юм. Үүний нэг нь Эрүүл мэндийн сайд, Хууль зүйн сайдын хамтарсан тушаалаар хүчиндүүлсэн эмэгтэйчүүдээс 150 мянган төгрөгөөр шинжилгээ авах тушаал. Хэн хүчиндүүлдэг вэ гээд судалгаа харахад өөрийн гэсэн орлогогүй, хүч чадалгүй эмэгтэйчүүд, эсвэл насанд хүрээгүй охид байдаг. Тэдэнд 150 мянган төгрөг гэдэг бол бараг сардаа ч олж чаддаггүй орлого, их хэмжээний мөнгө гээд хэлчихэд болно. Гэтэл Шүүх эмнэлгийнхэн хоёр сайдын тушаал гэсэн нэрээр хүчиндүүлсэн эмэгтэйчүүдэд эмнэлгийн магадлагаа гаргаж өгөхдөө ДНК-ийн шинжилгээ гэж 150 мянган төгрөг авдаг.

Энэ мөнгийг төлж чаддаггүйгээсээ болоод хүчирхийлэлд өртсөн хүүхнүүд, охид, бүсгүйчүүд хуулиар хамгаалуулж чаддаггүй юм байна. Харин Шүүх эмнэлгээс очоод “Яагаад ийм өндөр төлбөр авдаг юм бэ?” гээд асуухаар “Энэ бол өндөр төлбөр биш ээ. Тэгээд ч хоёр сайдын тушаалыг бид яахав” гэж хариулах юм. Төрөөс санхүүждэг эмнэлэг ер нь иргэдээс авсан төлбөртэй шинжилгээнийхээ орлогоор юу хийдэг юм бол гэж асуухаар “Эмнэлгийн дотоод асуудал, эмч ажилчдын урамшуулал” гэж хариулах юм.

Тэгэхээр Шүүх эмнэлгийнхэнд 150 мянган төгрөг юу ч биш болж таараад байна. Одоогийн Эрүүл мэндийн сайд, Хууль зүйн сайд нар Н.Энхбаяраас болоод хоорондоо жаахан байлдаад байгаа. Гэхдээ хэлэлцээрийн ширээний ард суувал хүчиндүүлсэн, хүчирхийлүүлсэн эмэгтэйчүүдээс аваад байгаа тэр ДНК гэгчийн шинжилгээнийхээ 150 мянган төгрөг, ер нь зодуулсан, автын осолд өртсөн гээд хүмүүсээс авдаг шинжилгээнийхээ мөнгийг нэг эргэн харахгүй бол татвар төлөгчдийн мөнгөөр цалинждаг төрийн харьяаны эмнэлэг арай л дэндүү давраад байх шиг.

Иргэд Шүүх эмнэлгээс магадлагаа авч чадахгүйгээсээ болоод Ардчилсан нэртэй энэ оронд чинь хуулиар эрхээ хамгаалуулах үйлчилгээг авч чадахгүй байна гэдгийг ядаж нүдээрээ очоод хараарай. Хүнд суртал нь дүүрч, ядаж тушаал журмаа өөрчлөөд иргэдэд үнэ төлбөргүй юмаа гэхэд амьдралынх нь боломжинд тохирсон тариф гаргаад өгөөчээ. Дахин хэлэхэд Шүүх эмнэлгээр орлого муутай, зовсон, зүдэрсэн, тусламж хүссэн иргэд л ихэвчлэн очдог гэдгийг хоёр сайд минь хоорондоо сайн ярилцаж, хуумгай шийдвэрээ болиулаач. Эх сурвалж www.wikimon.mn
Сэтгүүлч Г.Тэгшжаргал
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Эдийн засгийг эрчимжүүлэх 100 хоногоор эдийн засаг сайжирсан уу?
  • Тийм
  • Үгүй