Шинэ засаг ноёд АТГ-т шалгагдаж эхлэв
2013 оны 4 сарын 4
Өмнөх засгийн үед нутаг усандаа эрх мэдлээ хэтрүүлэн дур зоргоороо авирласан олон аймгийн засаг ноёд шүүх, цагдаагийн хаалга татаж, зарим нь хэцүү нэртэд морилсон мөр арилаагүй шахам байхад дөнгөж шинээр томилогдсон аймгуудын шинэ Засаг дарга нар эхнээсээ авлига, албан тушаалын хэрэгт ороогдож эхэлжээ.

Өмнөх Засаг даргынхаа үед орлогч нь байсан Сэлэнгэ аймгийн одоогийн Засаг дарга С.Бүрэнбат хуучин удирдлагынхаа халааг залгамжлан засаг ноёны суудалд морилсоноос эхлээд мордохын хазгай болж, урьд өмнө болон одоогийн хууль бус үйлдлээрээ АТГ-т шалгагдаж байгаа гэх мэдээлэл тархав. Энэ тухай мэдээллийг Сэлэнгэ аймгийн Ардын намынхан машид нууцалж байгаа гэж зарим эх сурвалж өгүүлж байна.  

Сэлэнгийн өмнөх Засаг дарга, одоогийн УИХ-ын гишүүн Ж.Эрдэнэбат ч өнгөрсөн жил АТГ-т шалгагдаж байгаад асуудал нь тэгсхийгээд замхарсан бол одоо шинэхэн Засаг дарга С.Бүрэнбатын ээлж ирсэн бололтой. Ямартай ч тэрбээр ганцаараа бус бас аймгийнхаа зарим удирдах нөхдийн хамт шалгагдаж байгаа сурагтай. Тухайлбал, аймгийн Байгаль орчны газрын дарга н. Батзориг түүнтэй хамт шалгагдаж байгаа гэнэ. Тэдний ийнхүү шалгагдах болсон шалтгаан нь нууцаар алт ухсан асуудалтай нь холбоотой гэх таамаг ч яригдаж байна.Олны хардлага, сэрдлэг ортой гэдэг. Ямар боловч хэрэг хуучирдаггүй гэгчээр авлига, эрх мэдэлтэй холбогдсон уг хэрэгтэй холбоотой асуудал өвсөнд тавьсан гал адил тархаад байгаа төдийгүй цаашид хэрхэн өрнөх нь удахгүй тодорхой болох бололтой.
    
     
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад