10.24, Friday
-3
“Эрдэнэт” үйлдвэр 3.8 тэрбум төгрөгөө олж авах боломжтой
2013 оны 4 сарын 22
2009 онд тухайн үеийн Ерөнийлөгч Н.Энхбаяраар яриулж Мягмаржаргал гэгч ган бөмбөлөг нийлүүлэх нэрийдлээр нэг тэрбум найман сая төгрөгийг уулын баяжуулах “Эрдэнэт” үйлдвэрээс гаргуулж авчээ. Гэтэл Мягмаржаргал нь тус үйлдвэрт нийлүүлэх учиртай бүтээгдэхүүнээ нийлүүлэлгүй Хонкогт очингуутаа өөр нэртэй компани байгуулж, ирээд дахин нэг тэрбум есөн сая төгрөгийн гэрээ байгуулсан аж.

Энэ хэрэг шүүх дээр очоод хангалттай баримтгүй гээд буцаагдчихсан байна. Яагаад тов тодорхой хэрэг шүүх дээр очоод буцаагдчихсаныг үнэхээр ойлгохгүй байгаагаа Авлигатай тэмцэх газрын Мөрдөн байцаах тасгийн дарга Э.Амарбат ярьж сууна. Монгол Улсын эдийн засгийн гучин хувийг дангаараа бүрдүүлдэг уулын баяжуулах үйлдвэр тэрбум тэрбумаар нь бизнесийнхний халаасыг зузаатгасан шахааны бизнесийн талбар болсны нэг жишээ энэ юм.

Саяхан тус үйлдвэрийн шинэ дарга Ц.Даваацэрэн жинхлэгдэж, үүрэгт ажилдаа дөрвөн жилийн хугацаатай томилогдоод байгаа. Ц.Даваацэрэн дарга улсын мөнгийг шамшигдуулсан Мягмаржаргал гэгч этгээдээс улсын мөнгийг эргүүлэн олж авах хүсэл зориг байх юм бол эргүүлж олж авах бүрэн боломжтой гэдгийг Э.Амарбат дарга хэлж байсан юм.

Одоо “Эрдэнэт” үйлдвэрийн агуулахад хэнд ч хэрэггүй, арван тэрбум төгрөгийн шахаагаар орж ирсэн бүтээгдэхүүн үхмэл байдалтай хэвтэж байгаа аж. Дээр нь үргүй зардал их гарч байсан болохоор тус үйлдвэр алдагдалтай ажиллаж магадгүйд хүрээд байгаа юм. Иймээс өмнөх, хойдохоо сайтар судалж, үйлдвэрээ алдагдалгүй ажиллуулъя гэвэл дээрх 3.8 тэрбум төгрөгөө эргүүлэн олж авах хэрэгтэй гэнэ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Өвөл утаа багасах уу?
  • Багасна
  • Үгүй
  • Бага зэрэг
  • Хэлж мэдэхгүй