10.24, Friday
8
Төрийн өмчит “Эрдэнэт” үйлдвэрт олон жилийн хур өр үүсчээ
2013 оны 4 сарын 24
Өнгөрсөн долоон хоногт зөвлөлийн хурлаа хийж, шинэхэн даргаа томилоод байгаа уулын баяжуулах “Эрдэнэт” үйлдвэрт олон жилийн хур өр бий болсон байна. Тус үйлдвэр нь манай улсын уул уурхайн салбарт 35 жил үйл ажиллагаа явуулж, анх эхэлж байснаасаа хүчин чадал, олборлолт нь эрс нэмэгдсэн ч ийм таагүй мэдээлэл байгаа юм. Жилд дөрвөн сая тонн хүдэр боловсруулж байсан үйлдвэр одоо жилд 26 сая тонн хүдэр боловсруулж байгаа хэрнээ яахаараа хур өрийн асуудал гарч ирэх билээ гэж гайхах хүмүүс олон аж.

Тэр ч бүү хэл “Эрдэнэт” үйлдвэр олон хүнийг хөлжүүлэн баяжуулж, бизнесийг нь өргөжүүлэн тэлэх саалийн үнээ болж байсан юм. Төрийн өмчит компаниудын санхүүгийн үйл ажиллагаа угаасаа “но”-той болох нь ойрын өдрүүдэд ар араасаа баталгаажиж байна. Ашиг олж чаддаггүй, орлого нь зарлагаа нөхдөггүй, дампуурлын ирмэгт тулсан гэх МИАТ-аас хэдэн тэрбумаар нь идсэн ноёд байхад цаашлаад төрийн өмчит үйлдвэрийн 24 компанийн санхүү алдагдалтай ажиллаж байгаа мэдээллийг Төрийн өмчийн хорооноос хийсэн шалгалтаар баталгаажуулсан билээ.

Тэгвэл төрийн өмчит үйлдвэрийн газрууд худалдан авалт нь ихдэж, үүнээс гадна улс, төр бизнесийнхэн зориудаар дампууруулах ажиллагаа ч идэвхжжээ. Тэдгээрийн дотор Монголын төмөр замын газар, “Эрдэнэт” үйлдвэр, Багануур, Шивээ-Овоо гээд олон компанийн нэр цоллогдоод амжсан. “Эрдэнэт” үйлдвэрийн хур өрийн хувьд баяжмалын гэрээг 2014 он хүртэл хийсэн, зарим компаниас урьдчилгааг нь авсан зэрэг шалтгаантай холбоотой гэнэ. 2012 оны орлого нь 921 тэрбумтай гарсан бол цэвэр ашиг нь 191 тэрбумаар тоологдож байна. Ийм тооноос хэн ч өрийн асуудал олж харахгүй. Харин ч 40 орчим тэрбум төгрөгийн авлагатай байгаа юм. Тус үйлдвэр бүтээгдэхүүнээ Лондонгийн биржийн ханшаар гаргадаг. Цагаан сараас хойш үнэ унасан ч өчигдрийн байдлаар 7780 төгрөгөөр бүтээгдэхүүнээ гаргасан байна. Ер нь өмнөх удирдлагуудын бодлого, шийдвэртэй холбоотойгоор тус үйлдвэрт санхүүгийн хомсдол нүүрлээд байгааг үйлдвэрлэл эрхэлсэн орлогч захирал нь хэлж байна.

Үүнтэй холбоотой нотлох баримтууд ч ар араасаа хөвөрч байгаа бөгөөд өмнөх удирдлагуудад хариуцлага тооцох ажлыг хууль шүүхийнхэн хийж, гүйцэтгэхийг хүлээж байгаа гэнэ. “Эрдэнэт” үйлдвэр цаашид 42 жил ажиллах зорилт тавиад байгаа аж. Үйлдвэрийн одоогоор ашиглаж байгаа дөрвөн үйлдвэр дээр шинээр “Шандын орд” илэрсэн байна. Цаашид дөрвөн ордынхоо геологи хайгуулын ажлаа хийгээд нөөцөө нэмэгдүүлбэл үйлдвэрийн насжилт 50, магадгүй 60 жил болох боломжтой гэнэ. Тэгэхээр цаашид ажиллах бус зөвхөн 35 жил тасралтгүй үйл ажиллагаа явуулсан  үйлдвэр  ашиг, орлоготой ажиллах нь  мэдээж хэрэг. Хамгийн гол нь өмнө нь мөнгө аваад сураггүй болсон олон хүний хэргийг хүлээлгэж, хохирлоо барагдуулах шаардлагатай байгаа юм. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Өвөл утаа багасах уу?
  • Багасна
  • Үгүй
  • Бага зэрэг
  • Хэлж мэдэхгүй