11.01, Saturday
-3
Өргөмөл гурван хүүхдээ хоол, ундгүй байлгажээ
2013 оны 5 сарын 2
37 настай Жон, 35 настай Каролин Жексон нарыг өргөмөл хүүхдүүдтэйгээ зэрлэгээр харьцсанд буруутган 17 зүйл, заалтаар хэрэг үүсгэсэн байна. Энэ гэр бүлийн хос гурван хүүхдэдээ хоол, унд өгөхгүй, тарчлаан зовоож байсны дээр шийтгэл болгон хурц сүмс уулгаж байсан гэнэ. Мөрдөн шалгах явцад хошууч Жон Жексоны гэр бүл 2005-2010 онуудад дөрвөн хүүхэд үрчилж авсаны нэг нь 2008 онд нас барсан нь тогтоогджээ. Хүүхэд нь нас барсантай холбогдуулж тэдэнд тухайн үед буруутгал ногдуулаагүй юм.

Тэгвэл одоо тэднийг талийгаачийг зодож нүдсэнд сэжиглэж байгаа бөгөөд эмнэлгийн яаралтай тусламж үзүүлээгүй гэж буруутгав. Өргөмөл хүүхдүүдээс гадна тэдэнд төрсөн гурван хүүхэд байдаг аж. Тэднийгээ зодож нүдэн залхаан цээрлүүлдэггүй байсан агаад үрчилж авсан хүүхдүүдээ “хүмүүжүүлэх” үүднээс хэрцгий ханддаг байсан гэнэ.

Өдгөө энэ гэр бүлийн бүх хүүхэд Нью-Жерсигийн нийгмийн халамжийн байгууллагын асрамжинд байгаа юм. Энэ гэр бүл Пикатинни Арсенал гэдэг цэргийн хотхонд амьдарч байсан тул хэргийг холбооны засаг захиргааны байгууллагууд шалгаж байна. Гэр бүлийн хоёр буруутай нь нотлогдвол тус бүр нь 10 жилийн хорих ялаар шийтгүүлж магадгүй аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Өвөл утаа багасах уу?
  • Багасна
  • Үгүй
  • Бага зэрэг
  • Хэлж мэдэхгүй