09.01, Monday
22
“Алтайн Хүдэр” компани сэтгүүлчийн эрхэнд халджээ
2013 оны 5 сарын 16
Говь-Алтай аймгийн Таяннуурын ордод үйл ажиллагаа явуулдаг “Алтайн Хүдэр” компани сэтгүүлчийн эрхэнд халджээ. Анх зам тавина гээд олон жил худал ярьж, Говь-Алтай аймгийн Цээл сумын хүн, малыг өвчлүүлж байгаа тухайн нутгийн төрийн бус байгууллага хөлөө хүрэх газраа хүртэл явжээ. Эцэст нь нутаг орныхоо нөхцөл байдлыг үзүүлэхээр хотоос телевиз, сониныхныг дагуулж явсан ч “Алтайн Хүдэр”-ийнхэн тэднийг дарамталж, техник хэрэгслийг нь хураан авсан байна. “Алтайн Хүдэр” компанийн “Сонор” гэдэг нэртэй хамгаалалтын албаны ажилчид Монгол HD телевизийн камерыг нь хураан авчээ.

Тухайн үед “Үндэсний мэдээ” сонины баг, Монгол тв-ийн баг, Эко тв-ийнхэн сурвалжлага бэлтгэхээр цуг явж байсан гэнэ. Гэтэл замд нь хамгаалалтын ажилчид тэднийг саатуулж, техник хэрэгслийг нь хураан авчээ. Энэ асуудлын дагуу МСНЭ-ээс цагдаагийн байгууллагад хандахаар болжээ. “Алтайн Хүдэр”-ийн гаргасан авир бол хууль зөрчсөн үйлдэл юм байна.

Говь-Алтай аймгийн Цээл суманд нөхцөл байдал үнэхээр хэцүү, шороо тоос ихтэй болсон аж. Малчид аргаа барахдаа гурван ямаа төхөөрч, дотор эрхтэнг нь сэтгүүлчдэд үзүүлжээ. Үнэхээр малын уушги шороо тоостой болж, өвчилсөн байж. Шүүхийн байгууллагаас “Алтайн Хүдэр” компанийг илт өмгөөлсөн шийдвэр гаргасан талаар СЭ мэдээлэв. Сэтгүүлчийн хэвлэн нийтлэх, мэдээлэх эрхийг шүүхийн байгууллага хааж, боож байгааг тэд эсэргүүцэж байна.

“Алтайн Хүдэр” компани аль хоёр жилийн өмнөөс замаа тавьж эхэлсэн байх ёстой. Гэсэн ч одоог болтол замаа тавиагүй байгаа аж. БОНХЯ болон МХЕГ-аас 06 сарын 15-нд эхний замаа тавь гэсэн шаардлагыг хүргүүлжээ. Гэсэн ч “Алтайн Хүдэр” бахь байдгаараа, нутаг орон сүйдсээр л. Нутаг усыг нь сүйтгэж, хүн малыг нь өвчлүүлж байгаа энэ эрх дархтай компанитай хариуцлага тооцох төр гэж Монголд алга. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Эдийн засгийг эрчимжүүлэх 100 хоногоор эдийн засаг сайжирсан уу?
  • Тийм
  • Үгүй