09.03, Wednesday
10
Тамхи, архи уураг тархи хөгшрөх үйл явцыг хурдасгадаг
2013 оны 5 сарын 22
Хэрэв тухайн хүн архи уудаг, дээр нь бас тамхи татдаг бол түүний уураг тархи бусдынхыг бодвол эрт хөгширч эхэлдэг аж. Энэ хоёр хорт зуршил хавсарвал тухайн хүний ой санамж муудан, аливаа зүйлийг бодож тунгаан шийдвэр гаргахад хүндрэл учруулдаг байна. Түүнчлэн сэтгэн бодох чадварт таагүй нөлөөлөл үзүүлдэг гэнэ. Эрдэмтэд 26-71 насны хүмүүст судалгаа хийжээ. Судалгаанд оролцсон хүмүүсийг зургаан бүлэгт хуваасан аж.

Эхний бүлэг хүмүүс хэзээ ч тамхи татаж байгаагүй бөгөөд эрүүл саруул байжээ. Удаахь нь сүүлийн нэг сарын хугацаанд согтууруулах ундаа хэрэглээгүй байна. Гурав дахь бүлэг хүмүүс архинаас гарах арга замуудыг эрж хайж байжээ. Дөрөв дэх нь хэзээ ч тамхи татаж байгаагүй архичид гэнэ. Тав дахь бүлэгт тамхи татдаг байгаад хаясан архичид багтав. Зургаа дахь бүлэгт архины донтолт бүхий тамхи татдаг хүмүүс хамрагджээ.

Тэдэнд асуулга бүхий сорилууд өгч бөглүүлтэл сонин дүн мэдээ гарсан аж. Архи уудаг, дээр нь тамхийг ихээр баагиулдаг хүмүүсийн уураг тархи илүү эрт хөгширч эхэлдэг нь тодорхой болов. Тиймээс эрдэмтэд согтууруулах ундаанаас татгалзахын хамт тамхиа хаяхыг зөвлөж байгаа юм. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Эдийн засгийг эрчимжүүлэх 100 хоногоор эдийн засаг сайжирсан уу?
  • Тийм
  • Үгүй