“Буян”-гийн Жагаа машинаа угаалгангаа улс төржив
2013 оны 7 сарын 8
Саяхан болж өнгөрсөн Ерөнхийлөгчийн сонгуульд АН-аас нэр дэвшсэн Ц.Элбэгдоржийг дэмжиж, гарын үсгээ зуран хайр зарласан БНН-ын дарга,”Буян холдинг” ХХК-ийн ерөнхий захирал Базарсадын Жаргалсайханы үе үе хийдэг цочир мэдэгдлүүд олноо ихэд таалагддаг билээ. Үүнийгээ ч тэрбээр мэдэрдэг тул нэг хүний мэдлийн гэгддэг Бүгд Найрамдах намаа зүтгүүлээд улс төрд томоохон тоглогч болон харагдуулдаг холч ухаантай хүн юм. Тэрбээр Ерөнхийлөгч асан Н.Багабанди, Н.Энхбаяр нарыг сонгуулийн үеэр нь илтээр дэмжин өөрийн Монголд цор ганц хувь байдаг хөгжмөө ч сонгуулийн суртачилгаанд нь үнэгүй ашиглуулж байсан удаатай.
    
Тэгвэл БНН-ын дарга Б.Жаргалсайхан саяхан мөнгөлөг өнгийн УНЯ 10-35 улсын дугаартай Ланд круизер маркийн машинаа “Сансар” угаалгын газар бүтэн угаалгах зуураа машин арчиж зогссон залуучуудад сонгуульдаа идэвхтэй оролцохыг үүрэгджээ. Энэ зуур тэрбээр ”Манай Монголын залуучууд их арчаагүй. Ажилгүй залхуу, хичээл тарав уу, үгүй юу муу ээж, аавыгаа зулгаахаар гэр рүүгээ явчихна. Ёсоороо бол гадаадынхан шиг зуны амралтаараа машин угааж хэдэн төгрөг олж байх ёстой. Энд дүүрэн машин байтал машин арчих, угаах залуучууд цөөхөн харагдана. Миний хүүхдүүд гадаадад суралцаж байхдаа ийм ажил хийж л байсан” хэмээн шаналсан сэтгэлээ илэрхийлээд авчээ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй