Дуучин Б.Батболд дөрвөн эхнэрийн дунд “дэрвэлзэж” явна
2013 оны 7 сарын 19
“Би монгол эр хүн дээ”, “Олонтой явсан аав”, “Санасан сэтгэл” дуугаараа олны танил болсон дуучин, Соёлын тэргүүний ажилтан Б.Батболдын тухай яриа нэмэр, хачиртайгаа нийлээд гүйцэгдэхээ байжээ. Түүнийг урлагийнхан, ялангуяа зохиолын дуучид дөрвөн эхнэрийн дунд “дэрвэлзэж” явдаг, дэндүү зоргоор эр хэмээн амнаас ам дамжуулан ярьж, зарим нэг нь “Овоо эр юм” гэж битүүхэн атаархаж ч байгаа бололтой. Төмөр замын чуулгад харьяалагдаж байгаад сүүлдээ чөлөөт уран бүтээлч болсон тэрбээр халх дөрөв, шавь таван аймаг хэрэн хэсч амьдарна гэдэг шиг Монгол, Япон улс сэлгэж эхнэр сольж “зиндаархах” болжээ.

Түүний анхны гэргийг Ц.Баярмаа гэх бөгөөд бүжигчин. Охиныг нь төрүүлсэн, одоо долоон настай. Нөхрөө энд тэнд бүсгүй эргүүлж хөл алдаад байхаар нь унтууцахдаа “Хөөж явуулаад хоёр өрөө байраа авч үлдэнэ дээ” хэмээн заналхийлж суугаа сурагтай. Б.Батболдыг Японд уртын дуучин Б.Тунгалагтай зургаан сар хамт амьдарч байгаад ирэхэд нь авааль эхнэр Ц.Баярмаа нь гэртээ оруулаагүй юм байх. Тэгэхээр нь “Халхын сайхан эр” хөдөө тийш хүлгийн жолоо залжээ. Өдгөө тэрбээр Завхан аймгийн Хөгжимт драмын театрын жүжигчин Ш.Мөнхтуяагийнд байгаа аж. Энэ бүсгүй мөн л дуучин залуугийн хүүхдийг төрүүлсэн гэх. Харин түүний дөрөв дэх нэр холбогдсон эмэгтэйг Цэнд-Аюуш гэдэг бөгөөд бас л нутгийн дуучин бүсгүй гэнэ. Түүнчлэн олон эхнэрийн дунд толгой нь эргэсэн түүнийг ард түмэн нь мартсан гэхэд хилсдэхгүй.

Нийтийн дуунд дуртай, дуулж жаргадаг монгол түмний хүндлэлийг хүлээсэн, уран бүтээлийн тоглолтоо ч зохих түвшинд хийж үзэгч, сонсогчдын хайрыг татдаг байсан дуучин ийн нэгээс нөгөө рүү үсчиж яваад дургүйлхэх хүмүүс байгаа аж. Фэнүүдийнх нь дунд, “Уг нь ханилсан амрагтайгаа түвшин сайхан амьдарч, монгол эрчүүдийн хийморь лундааг өргөн “Би хээрийн салхинд ариуссан энгэрийн ганцхан мод, халхын сайхан бүсгүйн хараа булааж, хайрыг татсан эр хүн дээ” хэмээн хангинуулж явбал сайхансан” гэх хүн ч байгаа гэнэ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй