08.01, Friday
12
Ботаникийн цэцэрлэгт хүрээлэн жилдээ дөрөвхөн сая төгрөгийн төсөвтэй
2013 оны 8 сарын 10
Нийслэлийн Баянзүрх дүүргийн XII хороонд орших Ботаникийн цэцэрлэгийн зүүн талын дөрвөн га газрыг Хууль зүйн яам авч, Шүүх, прокурорын цогцолбор барихаар болсон. Харин Засаг даргын орлогч Ц.Энхцэнгэл баруун талын 17 га талбайд сургууль, цэцэрлэг байгуулахаар, урд талын хоёр га газарт “Гранд лайн” компани авто зам тавихаар төлөвлөөд байгаа.

Монголд ганцхан байдаг Ботаникийн цэцэрлэгт хүрээлэнд өөр зориулалтын барилга барихыг хүрээлэнгийн удирдлагууд болон ард иргэд эсэргүүцээд байгаа ч ялагдчихаад байгаа юм. Хууль зүйн яам дайрч газрыг нь авч хүчээр шахуу шүүх, прокурорын барилга л барих болсон. Ямар үүрэгтэй барилга вэ гэхээр иргэдийг чирэгдэлгүй байлгах, иргэдэд үйлчлэх том цогцолбор босгох юм гэнэ.

Ботаникийн цэцэрлэг ногоон байгууламж байгуулж, мод тарьсан гээд байгаа ч жилдээ дөрөвхөн сая төгрөгийн төсөвтэй газар ямар үйл ажиллагаа явуулдаг юм бол. Тийм газар дээр барилга барих боломж байна уу гэж Шинжлэх ухааны академид хандсан аж. Олон жил эзэнгүй байсан газар тэр чигээрээ байх юм уу үр ашиггүй газар байлгаж байхаар бүхэл бүтэн сая хүн үйлчлүүлэх шүүх, прокурорын байгууллага байсан нь дээр байх гэж яамны зүгээс бодож байгаа гэнэ. Заавал Ботаникийн цэцэрлэгийн газраас булаах ямар шаардлага байна вэ гэхээр өөр газар олдохгүй байгаа аж.

Учир нь, өнөөх л өмнөх хотын дарга, дүүргийн Засаг дарга нар сөөм хүрэхгүй газрыг бүгдийг нь худалдсан учир газар олдохгүй байсан гэнэ. Тэгвэл Монгол Улсын Ерөнхийлөгч Ц.Элбэгдоржид ШУА-ийн Ботаникийн  хүрээлэн,  Ботаникийн  цэцэрлэг,  Биологийн  хүрээлэн,  Монголын  ботаникийн  нийгэмлэг,  Монголын  ойчдын  холбоо,  МУИС-ийн  Ургамал  судлалын  тэнхим,  Ой  судлалын  тэнхим,  Ховд  их  сургуулийн  хамт  олон  тусгай  захидал  бичиж,  Ботаникийн  цэцэрлэгийг  ивээлдээ  авахыг  хүсчээ.  
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Эдийн засгийг эрчимжүүлэх 100 хоногоор эдийн засаг сайжирсан уу?
  • Тийм
  • Үгүй