4000 иргэний хохирлыг Л.Гүндалай яах бол
2013 оны 9 сарын 16
УИХ-ын гишүүн, ЭМ-ийн сайд асан Л.Гүндалай ахан дүүс, хамгаалагч нартайгаа хүч хавсран, Зайсан орчмын хэсэг аж ахуйн нэгж, албан байгууллага, иргэнийг дарамтлан, хүчирхийллийн аргаар хүссэнээ хийх болсон нь тэр хавьд айдас хүйдэс авчирав. Ямар сайндаа мянгаад өрхийн 4000 иргэн харуй бүрий болонгуут гэрээсээ толгойгоо ч цухуйлгаж чадахаа байхав. Жинхэнэ чичрүүлсэн байна лээ. Энэ эмгэнэлт драмын гол дүрд Одсүрэн гэгч нөхөр байнга тоглодог. Янз бүрээр ярьдаг юм билээ, түүнийг. Л.Гүндалайгийн ахын хүү ч гэдэг. Одоо олдож буй мэдээгээр Л.Гүндалай түүний ах Л.Баяндалай нь Одсүрэнгийн авга ах нар юм байна.

Өөрөөр хэлбэл, авга ах нар нь дүүдээ туслахаар дайн дэгдээжээ. Тэр хавийн барилгыг хамтран барих. Хөрөнгө оруулалтыг нь эн тэнцүү гаргах, ашгаа хуваах гээд гэрээнд юу эсийг тусгах билээ. Тэгсэн мөртлөө ширхэг хадаас ч хадаагүй улс гэлцэнэ. Харин барилга нь баригдчихаар хоёрдугаар давхрыг нь зах зээлийнхээс хямдаар авчээ. Тэгээд ч идэхийн хүсэл хийгээд дон нь барагдсангүй. Бүхлээр нь авахаар санаархан өнөөгийн хэргийн суурийг тавьжээ.

Тэрхүү Одсүрэн гэгчийн нэхэмжлэлд хариу болгон шүүхэд хандсан “Мфикс капитал” ХХК-ийн захирал Б.Батхүүд дүүргийн шүүхээс ирүүлсэн шийдвэрийг одоо бүрэн эхээр нь хүргье. “Дээрх компанийн захирал Б.Батхүүгийн гаргасан хүсэлтийг иргэн Одсүрэн хүлээн авах нь зүйтэй. Тэнд орших байрнуудын дулааны шугамд нэвтрэх, түүнийг таслах, дулаанаар хангах ажилд элдвээр саад учруулах эрх иргэн Одсүрэнд байхгүй. Цаашид ийм үйлдэл хийхгүй байхыг түүнд даалгасугай. Захирамжийг нэн даруй биелүүлэхийг Нийслэлийн шийдвэр гүйцэтгэх албанд хүргүүлэв. Эсэргүүцвэл эл захирамж гарсан өдрөөс 10 хоногийн дотор зөвхөн шүүхээр гомдол гаргах эрхтэй” гэжээ. Тов тодорхой байгаа биз.

Б.Батхүү ч оршин суугчдадаа хандсан уриалга гаргажээ. Санаа нь, болж байгаа зүйлийг тоочоод, дахин ийм зүйл тохиолдвол холбогдох газарт нь хандах, гомдол хүсэлт гаргах, хамтран ажиллах, хамтын хүчээр тэмцэхийг уриалъя гэсэн байна. Ингэсээр байтал бахь байдгаараа, хэрэг явдал үргэлжилсээр байгаа нь туйлын хачирхалтай юм. Ноён Л.Гүндалай, түүний хамсаатнуудад төрийн хууль үйлчилдэггүй нь үнэн бололтой. Өмнө нь “З.Энхболд байхад та нар яах юм”, Хотын цагдаагийн удирдлага миний гарт байхад юу олж долоох юм” гэсэн үгтэй байсан билээ. Тэр нь одоо бас нэмэгджээ. “Улаанбаатарын барилгуудыг мэддэг бүхэн миний найзууд” гэдэг болжээ. Маргааш ирэхдээ хэлэх үг нь ч тодорхой гэх. “Ерөнхийлөг ч миний найз. Хөл хүрэх газраа явцгаахгүй юу” гэх биз.

Угаас даруулгагүй хүн тэр чигтэй дуусдаг жамтай. Монголын төрийг үймүүлж ханаагүй энэ эрхэм, одоо амар тайван иргэдийг нь бужигжуулж, бах таваа хангахаар шийджээ. Уг нь манайд төр, төрийн хууль бийсэн дээ. Эцэст хэлэхэд, мянгаад өрхийн хохирлыг тэр хариуцах болов уу.
Эх сурвалж: www.bataar.mn Эх сурвалж www.wikimon.mn
М.Онон
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй