08.02, Saturday
13
Их уналтын жилүүд болохыг Олон улсын валютын сан мэдэгдэв
2011 оны 12 сарын 19
Өнгөрсөн зууны 30-аад онуудад болсон санхүүгийн хямрал, түүнээс үүдэлтэй Их уналтын жилүүд ойрмогхон давтагдаж магадгүйг Олон улсын валютын сангийн тэргүүн Кристин Лагард АНУ-ын Төрийн департаментад үг хэлэхдээ онцолсон байна. Зарим нэг улс оронд өр, зээлийн хямрал үүсч, дэлхий нийтээр үйлдвэрлэлийн хэмжээ буурч байгаа нь ийм дүгнэлт хийхэд хүргэснийг тэрээр өгүүлэв. "Аливаа хямралд дархлаатай тийм улс орнууд өнөөдөр алга байна. Ядуу буурай, хөгжиж буй, хөгжингүй улс орнуудын эдийн засгууд бүгд хэлбэлзэх болсон" хэмээн Лагард онцолжээ. Зарим нэг улс оронд энэ хямрал хүчтэй тусахгүй бөгөөд дэлхийн эдийн засагт бүхэлдээ таагүй нөлөө үзүүлнэ гэдгийг тэрээр дурджээ.

"Улс төрийн үзэл бодол юм уу шашин шүтлэгээсээ үл хамаарч дэлхийн бүх улс орнууд энэхүү хямралтай тэмцэхэд хүчээ нэгтгэх цаг болсон" гэж Кристин Лагард мэдэгдэв. Нөөц бололцоотой, эдийн засаг нь эерэг үзүүлэлттэй яваа улс орнуудыг тэрээр Европын холбоонд санхүүгийн дэмжлэг, туслалцаа үзүүлэхийг уриалсан байна. Евро бүсийн улс орнууд өр, зээлийн хямралаас бие даан гарах чадваргүйг тэр онцлоод энэ асуудал улам даамжирвал дэлхийн эдийн засаг бүхэлдээ хүнд цохилт амсах болно гэдгийг ярьжээ.

Өнгөрсөн сарын эхээр болсон дэлхийн томоохон 20 гүрний удирдагчдын чуулга уулзалтын үеэр эдгээр улс орнууд Евро бүсийн хямралтай тэмцэхэд зориулж Олон улсын валютын сангийн санхүүжилтийг нэмэгдүүлэх боломжтой гэдгээ илэрхийлсэн билээ. Энэ сарын эхээр мөн Европын банкууд өр, зээлийн хямралаас болж хохирол амссан улс орнуудад туслах зорилгоор Олон улсын валютын сангийн дансанд 200 тэрбум евро шилжүүлэх болсноо мэдэгдсэн юм. Өмнө нь Европын холбооны улс орнууд хэвийн ажиллагааны нэгдсэн сангаа нэг их наяд евро болгох шийдвэр гаргасан ч үүнийгээ хэрэгжүүлээгүй аж.

Эдийн засгийн хамтын ажиллагаа болон хөгжлийн байгууллага Евро бүсийн асуудлыг шийдвэрлэлгүйгээр дэлхийн томоохон эдийн засгууд өсөлттэй байхгүй гэдгийг анхааруулжээ. Тэдний таамаглаж байгаагаар Их 20-ийн ДНБ-ний өсөлт энэ жил 3.9 хувь, дараа жил 3.8 хувь, 2013 онд 4.6 хувь болох шинжтэй байна. Их уналтын жилүүд нь хамгийн урт удаан үргэлжилсэн хямралын нэг билээ. Хямрал 1929 онд эхэлж Дэлхийн II дайныг хүртэл үргэлжилсэн юм. Тэрхүү хямрал Дэлхийн худалдаанд оролцож буй бараг бүх улс орнуудыг хамарчээ. Ялангуяа Франц, Их Британи, АНУ болон Канад улсууд ихээр хохирсон гэдэг.
www.wikimon.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Эдийн засгийг эрчимжүүлэх 100 хоногоор эдийн засаг сайжирсан уу?
  • Тийм
  • Үгүй