04.24, Thursday
5
П.Ганхуяг жолоочдоо 300 га газар бэлэглэжээ
2013 оны 12 сарын 20
П.Ганхуягийг газрын наймааны сүлжээний эзэн хэмээн дорноговьчууд цоллодог. Учир нь, мань эрхэм өнгөрсөн оны есдүгээр сарын 19-нд БНХАУ-ын иргэн Фамин Зао гэгчтэй хамтран “Фамин энд Гоби индастри” нэртэй компани байгуулсан байгаа юм. Ингэхдээ 51 хувийг хятад эрийн мэдэлд өгсөн бол 49 хувийг нь өнгөрсөн УИХ-ын сонгуулиар жолоочоор нь ажиллаж байсан хуурай дүү Б.Мөнхбатад эзэмшүүлж, улмаар тус компанийн захирлаар нь томилжээ. Нэгэнт итгэлт хүнээ олж, компаниа байгуулчихсан тул Замын-Үүдэд 300 га газрыг хууль зөрчин авч үйлдвэрлэлийн зориулалтаар хэмээн захирамж гаргаад “Фамин энд Гоби индастри” компанид өгч орхисон гэнэ.

Гэтэл хамгийн ноцтой нь түүний жолоочдоо бэлэглэсэн 300 га газар нь үйлдвэрлэлийн зориулалтаар сонирхсон иргэн, аж ахуйн нэгжид нийтэд нээлттэй зарлаж дуудлага худалдаанд оруулах эс бөгөөс төсөл сонгон шалгаруулалтаар хэсэгчилж олгох ёстой газар байсан аж. Иймээс энэ асуудал хаа хаагүй анхаарал татаж, судлаад үзтэл П.Ганхуяг нь эрх мэдлээ хэтрүүлэн ашиглаад өөрийн жолоочдоо 300 га газрыг бэлэглэчихсэн байгаа юм.

Энд хамгийн ихээр анхаарал татаж буй нэг зүйл нь П.Ганхуяг зүгээр нэг хүнд хамгийн үнэд орж буй бүсээс 300 га газрыг хууль зөрчиж аваад бизнес хий гээд өгөх нь юу л бол гэцгээж байгаа бөгөөд үүний цаана асар том ашиг сонирхол явааг олон хүн хэлсэн. Учир нь, түүний 300 га газрын хажууханд байх найман га газрыг өнгөрсөн жил дуудлага худалдаагаар оруулахад 170 сая төгрөгт хүрсэн төдийгүй Замын-Үүдэд насаараа амьдарсан хүнд ч хашаа хатгах газар олдохоо болиод удаж байгаа тухай иргэд ярьдаг. Гэтэл тэрбээр Замын-Үүдээс 300 га газар “олоод” жолоочийнхоо нэр дээр байдаг өөрийнхөө компанид өгчихсөн байгаа юм. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Засгийн газрыг огцруулах нь зөв үү?
  • Бүрэн бүрэлдэхүүнээр нь огцруулах нь зөв
  • Огцруулах шаардлагагүй
  • Уул уурхайн сайд Д.Ганхуягийг огцруулах нь зөв
  • Эрүүл мэндийн сайд Н.Удвалыг огцруулах нь зөв
  • Эдийн засгийн хөгжлийн сайд Н.Батбаярыг огцруулах нь зөв
  • Сангийн сайд Ч.Улааныг огцруулах нь зөв