Б.Болор гишүүн хүн чанар гаргав
2013 оны 12 сарын 27
Арын сайхан хангай нутагт ардчиллыг түүчээлэн бамбардсан хүн бол одоогийн УИХ-ын гишүүн Б.Болор гэдгийг тэр бүр хүн мэддэггүй. Анх АН-ыг цэвэр ялагдсан үед гадаадад суралцаж боловсрол эзэмшин, бизнэс эрхэлж байсан найзуудаа уриалан тус намд элсэж орсон тэрбээр намынхаа төлөө тууштай явсаны хүчинд өнгөрөгч жилүүдэд ГХ-ийн яамны дэд сайдын ажлыг тулхтай сайн хийж, энэ завсар төрөлх нутагтаа өөрийгөө зөвөөр сурталчилсны хувьд дажгүй оноо авч 2012 оны сонгуулиар Н.Батбаяр ахтайгаа гар барилцан парламентын танхимд орж ирсэн билээ. Улс төрийн ажил албаныхаа хажуугаар бөө, лам, хутагт, хувилгаадын хойд дүр зэрэг элдэв юм ярилгүй Европт ажиллаж, амьдарч байсны хувьд эрхэм гишүүн Б.Болор дан рок, поп хөгжим сонсож, хөгжим тоглох нэн хоббитой нэгэн.

Энэ хоббидоо хөтлөгдөн тэртээ 10 жилийн өмнө “Мэднесс” хамтлагийн ахлагч СТА Ч.Оюунсайхантай танилцан нөхөрлөж эхэлсэн түүхтэй аж. Амьд хөгжим гэхээр амиа тавих шахдаг гишүүн Б.Болор багын найзынхаа хамтлагийг байгуулагдсаны 15 жилийн ойн арга хэмжээг зохион байгуулахад идэвхитэй оролцжээ. Улсын төсөв батлах их ажлын хажуугаар мань эр “Мэднесс”-ийн тасалбарын борлуулалт, тайз засал дээр нь чамгүй хүчин зүтгэж, эхнэр нь хүртэл гарын буузаа хийн Улаанбаатар паласын арын өрөөнд халуун савтай цайтай ирчихсэн дэмжиж байв. Үүнийг харсан Монголын рок, попынхон “Хүн чанар гэж үүнийг л хэлнэ дээ” хэмээн Б.Болор гишүүнийг ихэд үнэлжээ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй