Т.Гантулга хэргээс мултрав
2014 оны 1 сарын 27
ХХААХҮЯ-ны Төрийн нарийн бичгийн дарга асан Т.Гантулга, тус яамны Хөнгөн үйлдвэрийн бодлогын хэрэгжилтийг зохицуулах газрын дарга асан Н.Баярмагнай нарыг хоёр жилийн өмнөөс АТГ шалгаж байсан хэрэг юу болсон нь мэдэгдэхгүй замхраад сураг алдарсан билээ. Өнгөрсөн жил энэ хэрэгт Нийслэлийн прокурорын орлогч Ё.Сагсай хяналт тавьж байгаад Сүхбаатар дүүргийн прокурорын газрын даргаар томилогдохоосоо өмнө уг хэргийг гэмт хэргийн бүрэлдэхүүнгүй гэсэн үндэслэлээр хэрэгсэхгүй болгожээ.

Уг нь дээрхи нөхдүүдийг ХХААХҮЯ-наас  Жижиг, дунд үйлдвэрийг дэмжих сангийн хүрээнд 2012 онд төсөвт тусгагдсан 500 сая төгрөгийг зориулалтын дагуу ашиглаагүй, тодорхой хэмжээгээр хувьдаа завшсан байж болзошгүй гэсэн үндэслэлээр эрүүгийн хэрэг үүсгэн шалгасан юм байна. Тодруулбал, Завхан аймагт жижиг, дунд үйлдвэрийг дэмжих нэрийн дор ямар ч төсөл сонгон шалгаруулалт явуулалгүйгээр долоо хоногийн дотор төсвөөс 500 сая төгрөгийг гаргаж, нэр бүхий 108 иргэн, хуулийн этгээдэд тарааж хувийн дансанд нь шилжүүлсэн байдаг. Уг нь энэ мөнгө дээр дурдсан иргэдийн амьжиргааг дээшлүүлэхэд, тэдний үйл ажиллагааг дэмжихэд зориулагдах ёстой байсан билээ. Гэтэл тэр мөнгөөр иргэд ямар ч үйлдвэр, үйлчилгээ эрхлээгүй юм. Тиймээс энэ хөрөнгийг завшсан байж болзошгүй хэмээн хуулийнхан шалгасан ч хэрэг нотлогдоогүй өнгөрчээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй