Малын саравчинд 17 оралман ”амьдарч” байжээ
2014 оны 5 сарын 8

"Энэ саравчинд хүн байтугай мал хашихад ч хэцүү. Хэн эднийг энд хаягжуулж бүртгэснийг би мэдэхгүй" хэмээн шүүх дээр тус саравчны эзэн эмэгтэй ярьжээ. Ийнхүү цагаачлалын албаны цагдаа нарын хэрэг шүүх дээр үргэлжилж байна. Цагаачлалын албаны цагдаа нарыг ойролцоогоор 45 сая тэнгэ цувчуулсан хэмээн буруутгаж байгаа бөгөөд тэд бусад улсаас ирсэн казах цагаачдыг бүртгэлжүүлэх явцдаа ийм их хэмжээний мөнгийг луйвардсан юм байна. Бас энэ албаны офицеруудаас гадна шүүхийн сандалд гурван оралман байгаагийн хоёр нь нэг гэр бүлийнх юм байна. Гаднаас ирсэн казахуудыг Казахстаны иргэншилд ирээгүй, огт байхгүй хүмүүсийг луйврын аргаар бүртгэж аван тэдэнд очих ёстой мөнгөнөөс хумсалдаг хэрэг энэ улсад газар аваад байгаа юм. Эх орондоо буцаж ирж байгаа казахуудыг хүн амьдрах аргагүй амбаар сав, бүр малын саравчинд хүртэл байршуулан тэдний төрөөс авах ёстой мөнгөнөөс хумсалж байгаа тохиолдол ч гарсан гэнэ.

Энд амьдрах гэж очоод луйвардуулж, гадуурхагдаж, эсвэл амьдрах аргаа олж чадаагүй 800-аад казах иргэн Монголынхоо иргэншлийг хүсэн Ерөнхийлөгчид хандаж байсан нь саяхан. 2010 онд гэхэд л Монголоос ирсэн 26 гэр бүлд 43 сая тэнгэ хуваарилж өгч байсан бөгөөд тэдгээр гэр бүлийн нэг нь гэхэд 6-7 хүүхэдтэй нийтдээ 228 хүн байжээ. Гэтэл үнэн хэрэгтээ Монголоос Казахстанд нэг ч хүн ирээгүй агаад ер нь ор байгаагүй юм байна. Монгол Улсаас паспорт авч ирэн Актобад амьдардаг хүмүүсийн төстэй зургийг нааж, итгэмжлэх хийгээд энэ их мөнгийг зүгээр л хулгайлсан байжээ.

Энд нэг зүйлийг хэлэхэд тийм их тооны Монгол Улсын гадаад паспорт ямар замаар, яаж Казахстанд очсон бэ гэдэг нь сонирхол татаж байгаа юм. Дээр дурьдсан эмэгтэй Мартукт техникч хийдэг бөгөөд өөрийнх нь малын саравчинд 17 оралман "амьдардаг" гэдгийг албаны хүмүүсээс дуулаад мэл гайхжээ. Харин цагаачлалын албаны офицерууд хэргээ хүлээхгүй байгаа бөгөөд одоогоор шүүхийн байцаалт явагдаж байна. Эдгээр амьгүй албат болсон 17 оралман Монголоос "ирсэн" байж болох талтай. Тэгэхээр мөн тооны Монгол Улсын гадаад паспорт үл мэдэгдэх шалтгаанаар хил давжээ.

Тодруулга: Монголын оралман гэдэг үгийг үгчилвэл Монголоос буцаж ирсэн хүн гэсэн утгатай юм байна.
Тэнгэ бол Казахстаны мөнгөн тэмдэгт. Эх сурвалж www.wikimon.mn
Орчуулсан С.Майдар
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй