Н.Түвшинбаяр: Миний хань, хүү хоёр дэмжиж хүч өгсөн
2014 оны 9 сарын 24

БНСУ-ын Инчён хотноо болж буй Азийн 17 дугаар наадмын жүдо бөхийн эрэгтэйчүүдийн -100 кг-ын жинд барилдсан Олимпийн аварга Н.Түвшинбаяр алтан медаль хүртэж, нутаг нэгтнүүдийнхээ магнайг тэнийлгэн баярлуулсан билээ. Аргагүй л Найдангийн хүүд найдахад алдахгүй ээ гэсэн итгэл найдварыг аварга маань алдсангүй гэж дэмжигчид нь ярьж байна. Олимпийн алт, мөнгөн медальт, Хөдөлмөрийн баатар, Гавьяат тамирчин Н.Түвшинбаяр Тажикистан, БНСУ, Узбекистаны бөхчүүдийг ялж, мөнгөн медалийн болзол хангасан. Азийн наадмын алтан медалийн төлөө Казахстаны Раковтой барилдаж, ийнхүү аваргын алтан медаль зүүж, эх орныхоо нэрийг өндөрт гаргав.

Тэрбээр барилдаандаа ялалт байгуулсны дараа “Бидний бэлтгэл сайн байсан. Багаараа сайн барилдаж, дүү нар маань бас медаль авлаа. Манай холбооны “Хамтын хүч, амжилт” гэсэн уриан дор сайхан барилдлаа. Багш нартаа баярлалаа. Олон монголчууд биднийгээ дэмжихээр ирсэн байна. Тэдний дотроос онцолж хэлэхэд миний хань Б.Оюунбилэг, том хүү Манлай хоёр маань ирж дэмжсэн нь их хүч өгсөн байх” гэжээ.

Аварга Н.Түвшинбаярын хувьд өнгөрсөн наймдугаар сард ОХУ-ын Челябинск хотноо болсон Жүдо бөхийн дэлхийн аварга шалгаруулах тэмцээнд тааруухан барилдаж ялагдал хүлээсэн удаатай. Тэр үеэр өөрийнх нь барилдаан хэрхэн өрнөсөн талаар сэтгүүлчдэд тайлбарлахдаа “Та бүхэн харсан байх. Эрэгтэй багийн хувьд сугалаа хатуу таарсан. Эхний тойрогт Японы багтай таараад ялагдсан. Миний хувьд тааруу, муу барилдсан. Өөр юу ярих вэ дээ. Өөртөө бодох зүйл байгаа” хэмээн ярьж байсан тэрбээр энэ удаад ийнхүү Азийн аварга болов. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй