Засаг дарга О.Амгаланбаатар залуусыг хавчин гадуурхжээ
2014 оны 11 сарын 19
Говь-Алтай аймгийн Засаг дарга О.Амгаланбаатарыг “Хууль бус Засаг дарга” гэх нэр байнга дагадаг. Бас түүнийг урваач, шарваач гэх нь ч бий. Харин энэ удаад тэрбээр урваж, шарвасангүй. Нутгийнхаа залуусын үйл ажиллагаа явуулах эрхийг нь хавчин боогдуулжээ. Хамгийн хачирхалтай нь, О.Амгаланбаатар дарга Засаг ноён гэдэг утгаараа нутгийнхаа залуусыг хавчиж, тэмцээн уралдаан явуулах газаргүй болгосон байх юм.

Тодруулбал, Говь-Алтай аймгийн МАН-ын дэргэдэх НАМЗХ-ны чуулга уулзалт энэ сарын 15-16-ны өдрүүдэд болохоор тогтсон байжээ.

Тус чуулганд намын тэргүүлэгчид болон 18 сум, хоёр тосгоны залуусын төлөөлөл болох 300 гаруй хүнд чуулга уулзалтад ирэх тухай мэдээлэлтэй байсан ч товлосон хугацаа болоход хурал хийх танхим болон уралдаан, тэмцээн зохион байгуулах заалгүй болсон аж. Хурлыг зохион байгуулагчид 300 хүний багтаамжтай заал, талбай хайсан ч бүгд “Боломжгүй” гэх хариу өгсөн байна.

Аргаа барсан залуус учрыг лавлатал Аймгийн Засаг дарга О.Амгаланбаатар даалгавар өгснөөр ийнхүү бүх газар заал, талбайгаа харамлажээ. Цаашлаад Засаг ноёнтон заалаа цоожилж, лацдах зэрэг арга хэмжээ авахыг хүртэл даалгасан гэнэ шүү. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад