Н.Алтанхуяг Ч.Сайханбилэгийг унагана
2015 оны 2 сарын 10
Улс төрийн амьдрал гэж ууртай, шартай хэн нэгний зугаагаа гаргадаг тоглоом наадам болж хувираад байна. Ерөнхий сайд асан Н.Алтанхуяг ууртай байгаа аж. Учир нь, түүнийг зөөлөн сэнтийгээс нь унагасан нөхдүүдээс хариугаа авахаар улайран дайрч эхлэв.

Эхлээд тэрбээр “Алтангадас” фракцийнхантайгаа болон экс Ерөнхийлөгч Н.Энхбаяртай нийлж Ч.Сайханбилэгийн Засгийн газрыг болохгүй бүтэхгүй байна, алдаа оноотой ажиллаж эхэлллээ гэсэн шүүмжлэлээр унагахаар болжээ. Хэн нэгэн нь Засгийг унагаж, удирдаж тоглодог жишиг бий болов гэхэд хилсдэхгүй болов уу. Дээрээ суудлаа олж, олигтойхон шиг учир начраа ололцож ажиллаж чадахгүй юм бол дороо яаж гүйдлээ олж, ард түмэн чинь амар тайван амьдрах юм бэ?

Н.Алтанхуяг ажилдаа орсныхоо дараахан Ерөнхий сайд Ч.Сайханбилэгийг шүүмжилж, “Ингэж улс орныг удирдан залж болохгүй. Эх, хүүхдийн мөнгөөр оролдсон популизмаа боль, зогсоо хэмээн бухимдсан. За яахав, Ч.Сайханбилэг бүтэхгүй байгаад түүнийг буулгая, болъё гэж бодъё. Дараагийн Ерөнхий сайд гэж бас л нэг хүн гарч ирнэ. Гарч ирсэн хүн нь алдаа оноотой байх нь дамжиггүй. Алдахад нь бас дахин огцруулах уу? Засгийн газрыг огцруулж, наадаж байхын цаана амьдрал ард түмнээр наадсаар дуусах нь. Цагийн байдал дээрдэхгүй байсаар бүр шалдаа орж доройтсоор байхад өмнөх нөхдүүдээс илүү гарч улс орноо удирдаж, ард түмний амьдралыг дээрдүүлнэ гэдэг шиг худлаа зүйл байхгүй ээ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй