Х.Тэмүүжин өөрөөсөө болж унасандаа харамсдаггүй
2015 оны 2 сарын 14

Хууль зүйн сайд асан Х.Тэмүүжин сайдын суудлаасаа бууснаасаа хойш ямар нэгэн тайлбар хийлгүй өнөөдрийг хүрсэн билээ. Тэгвэл тэрбээр саяхан дэлгэрэнгүй ярилцлага өгсөн бөгөөд чухам яагаад сайдын суудлаасаа унасан талаараа дэлгэрэнгүй ярьжээ. Түүнийг Ерөнхий прокурор байсан Д.Дорлигжавын нэр хүндэд халдсан, эрүүгийн янз бүрийн гэмт хэрэгт холбогдсон гэх мэт зүйлсээр шалтаглаж унагасан гэдэг билээ. Үнэндээ засаг бужигнаж байх үед түүнийг унагаасан бөгөөд энэ талаараа Х.Тэмүүжин ингэж ярьжээ.

“Фракцуудын зөрчил гэхээсээ хувь лидерүүдийн зөрчил их байх шиг байна. Зарим нэг хүмүүс хуулийн салбарт их хэмжээний эрх мэдэлтэй, хяналттай байх хүсэлтэй байна. Би хувьдаа хувь хүмүүсийн хэрүүлээс илүү хуулийн салбарын шинэчлэл яваасай гэж бодсон. Тэмүүжин ямар нэгэн албан тушаал дээр байх бол зорилго биш. Засгийн газар өөрчлөгдсөн ч хуулийн салбарын шинэтгэл үргэлжилнэ гэж найдсан. Ерөнхий сайдад Р.Амаржаргал, Ч.Сайханбилэг нарын нэр яригдаж байх үед нь ч хэлсэн. Надад та хоёрын Засгийн газарт орж ажиллах сонирхол үнэндээ алга. Эхлүүлсэн ажлаа үр дүнтэй дуусгах л хүсэл байна. Үргэлжлүүлээд яваарай гэж. Эхлүүлсэн ажил маань хэр зэрэг явахыг харъя. Хуулийн шинэтгэлийг хүний эрх, шударга ёс, хариуцлагын тогтолцооны шинэчлэл гэж харахаасаа илүүтэйгээр хүч, эрх мэдэл, дараа дараагийн зорилтод хүрэх арга хэрэгсэл гэж хардаг хэсэг байна. Тийм хэсгийнхэнд энэ салбарт Х.Тэмүүжин байх нь таатай байгаагүй бололтой. Хаврын болсон үйл явдлаас харахад улс төрийн салхи заримдаа буруу эргэж, өөр тийшээ үлээнээ. Салхи хаашаа үлээх биш, хаанаас үлээж байгааг л харах хэрэгтэй. Цаг хугацаа өөрчлөгдөнө. Надад нас байна, бодлого байна, тийм зүйл хийх юмсан гэсэн зорилго байна. Ядаж зарчим дээрээ үнэнч үлдэх нүүр байна. Ийм учраас адгаж тэмцэх нь сонин биш. Гэхдээ явж байгаа зарчим, бодлоготой зөрж байгаа хэнтэй ч хатуу тулах зоригтой л байх хэрэгтэй. Хувь заяаны эргүүлэг л юм даа. Увсын хоёр хүний голд бодлогоо хавчуулж, хуучинсаг арга барилд цаг хугацаа алдаж байгаад харамсах юм” гэжээ.

Нэг ёсондоо өөрөөсөө болж унасандаа би харамсдаггүй гэж ярьсан байна. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад