М.Батчимэг: Улс төрийн зорилготой, захиалгатай байхыг үгүйсгэхгүй
2015 оны 9 сарын 10
УИХ-ын гишүүн М.Батчимэгийн туслах З.Пагмажав Тайванийн тагнуул байсан байж болзошгүй гэх мэдээлэл олны анхааралд орж, дуулиан шуугиан тариад байна. Харин энэ талаар гишүүн өчигдөр өөрийн байр сууриа илэрхийлсэн юм.

Ингэхдээ тэрбээр “Манай туслахуудтай холбоотойгоор гарсан мэдэллийг би сайн мэдэхгүй байна. Сайн асууж, тодруулах хэрэгтэй байна.  Ямар ч байсан хувийн журмаар Тайваньд хийж байсан орчуулгатай нь холбоотой юм шиг байна лээ. УИХ-ын гишүүний албатай ямар ч холбоогүй. Хувийнхаа зүгээс хийж байсан орчуулга.  З.Пагмажав, Д.Чинбаяр хоёртой би олон жил ажиллаж байгаа. Стратеги, судалгааны хүрээлэнгээс эхлээд хамтарч ажилласан. Ер нь улс төрийн зорилготой, захиалгатай л зүйл яваад байх шиг байна. УИХ-ын гишүүний зөвлөхийн хийсэн хэргийг УИХ-ын гишүүнтэй холбогдуулж ярьж байна. Дээр нь маш олон сайтаар нэгэн зэрэг цацагдсан. УИХ-ын гишүүний туслах, зөвлөх авто осол гаргалаа гэхэд УИХ-ын гишүүн өөрөө авто осол гаргасан гэж ярьж байгаагаас өөрцгүй шүү дээ. Асуудлыг сайн тодруулж, нягтлах хэрэгтэй байна. Ямар ч байсан  би тэднийг тийм зүйл хийх хүн биш гэж бодож байгаа” гэсэн юм.

Ямартай ч УИХ-ын гишүүн М.Батчимэгийн зөвлөх З.Пагмажав, Д.Чинбаяр нарт холбогдох хэргийг шүүх хурал Баянзүрх, Чингэлтэй, Сүхбаатар дүүргийн шүүхэд болж, хорих ял оноогоод буй.

Тодруулбал, тэднийг эх орноосоо урвасан хэрэгт буруутай хэмээн үзэж, З.Пагмажавт 16 жил, Д.Чинбаярт 22 жил чанга дэглэмтэй хорих ангид ял эдлүүлэх шийдвэр гаргаад байгаа. З.Пагмажавын хувьд УИХ-ын гишүүн М.Батчимэгийг Монгол Улсын Ерөнхийлөгчийн Үндэсний аюулгүй байдлын бодлогын зөвлөхөөр ажилладаг байх үеэс нь эхлэн зөвлөхөөр нь ажилладаг байсан байна.

Өнгөрсөн хугацаанд З.Пагмажав нь Тайвань руу Монгол Улстай холбоотой нууцын зэрэглэлтэй мэдээ, мэдээллийг гаргадаг байсан нь тогтоогдсон бөгөөд шүүхээс түүнийг Эрүүгийн хуулийн 79.1-ээр буюу Монгол Улсын иргэн тус улсын тусгаар тогтнол, үндэсний аюулгүй байдал, батлан хамгаалах хүчин чадалд хохирол учруулах зорилгоор гадаад улсын тагнуулын албанд элссэн, төрийн нууцыг гадаад улс, түүний тагнуулын албанд шилжүүлэн өгсөн, Монгол Улсын эсрэг дайсагнасан үйл ажиллагаа явуулдаг гадаад улсын байгууллагатай хамтран ажилласан, дайны байдалд буюу дайн бүхий байдал зарласан үед дайсны талд шилжин орсон гэсэн үндэслэлээр буруутгажээ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй