Твиттерын тусламжтайгаар охиноо эх барьж авав
2016 оны 1 сарын 23

Ноэми Рөүз Рожерс гэдэг бяцхан охин твиттерээр дамжуулж онлайнаар шууд төрөлтийг нь үзэж сонирхсон энэ дэлхийн хамгийн анхны хүүхэд болжээ. АНУ-ын Сан-Франциско хотын оршин суугч 34 настай Марко Рожерс өөрийн эхнэр Анийяг гэртээ эх барьж авсан гэнэ. Мань хүн энэ үйл явцыг твиттер дээр тун ч дэлгэрэнгүй дүрсэлж байсан аж. Харин бусад блоггерууд түүнтэй өөрийнхөө туршлагаас хуваалцаж байлаа. Анийя хугацаанаасаа тав хоногийн өмнө өвдөлт өгч эхэлжээ. Базлалт маш ширүүссэн тул сандарсан Марко төрөх эмнэлэг рүү утасдсан ч эмч нар эхний төрөлтийн өвдөлт удаан үргэлжилдэг тул хүлээж байхыг зөвлөсөн гэнэ.

Нөхцөл байдал хэцүүдсэн тул 10 минутын дараа Марко твиттер дээр өвдөлт маш хүчтэй, ойр ойрхон болж байгааг бичжээ. Хүмүүс түүнд юу хийхийг нь олноороо зөвлөсөн аж. Марко “Эхнэр унтлагын өрөөндөө байна. Хүүхдийн толгой цухуйлаа. Надад цааш үргэлжлүүлэх цаг зав алга…” хэмээн бичсэн байна. Улмаар тэр 911 рүү залгаад операторын өгсөн зааварчилгааг дагажээ.

Эхнэр нь сайн дүлж чадахгүй байсан тул хүүхэд нь гадагшилж чадахгүй байжээ. Марко сандарч тэвдэхийн хажуугаар минут тутамд өөрийн байр байдлыг гар утсаараа твиттер хэрэглэгчдэд мэдээлж байсан гэнэ. Хүчтэй дүлэлтээр Ноэми Рөүз охин аавынхаа гар дээр гулгаад гараад ирсэн гэнэ шүү. Тэр мөчид Марко “Би түүнийг барьж авлаа. Одоо гар дээр минь байна. Охин минь дөнгөж төрлөө” хэмээн бичжээ.

Хэдэн минутын дараа сая л нэг юм түргэн тусламжийн машин ирсэн аж. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй