Бөөрний чулууг хөөх усны хэмжээ
2016 оны 5 сарын 17

Шээс дуслын эрхтэнүүдэд чулуужих өвчин үүсдэг нэг гол шалтгаан бол ус бага уух явдал гэдгийг шинжлэх ухаан аль эрт тогтоосон. Ганцхан ус ч биш, өөр бусад шингэнүүд ялангуяа шар айраг бөөр чулуужихаас сэргийлдэг билээ. Насанд хүрсэн хүн түүний биенээс өдөр бүр дор хаяж хоёр литр шээс гарч байхад анхаарах ёстой гэнэ. Ингэсэн хойно л бөөр аливаа хорт бодисуудыг боловсруулан гаргаж, чулуу үүсэхэд хамгийн их оролцоотой байдаг давс, бусад бодисуудыг хуримтлагдахад саад хийнэ. Гэхдээ олон хүн хэдий хэмжээний ус, шингэн хэрэглэх ёстойгоо одоог хүртэл мэдэхгүй суугаа. Эмч нар тэгвэл үүнд ийм хариулт өгч байна.

Хэрэв та бөөр чулуужих өвчинтэй тулгарч байгаагүй бол өдөрт 6-8 аяга ус уухад яг тохирно. Харин та бөөрний чулуутай болж байсан бол өдөрт дор хаяж гурван литр ус уух ёстой аж. Гэхдээ тухайн хүний амьдралын хэв маягаас шалтгаалж уух ёстой усны хэмжээ нь тодорхой болно. Биеийн идэвхтэй байдал, агаарын хэм зэрэг олон хүчин зүйлүүд энэ хэмжээнд нөлөөлнө. Тийм учраас таны биеэс өдөр болгон хэдий хэмжээний шээс гарч байгааг анхааралтай ажиглах нь зүйтэй юм. Хэрэв шээхгүй, өдөрт ердөө 1-2 удаа бие засдаг бол усны хэрэглээгээ мэдэгдэхүйц нэмэгдүүлэх ёстой гэсэн үг.

Мөн эсрэгээрээ бие засах газар руу ойр ойрхон яваад байх нь аюултай гэнэ. Энэ нь чихрийн шижин юм уу түрүү булчирхайн өвчний шинж тэмдэг байж мэднэ. Ер нь бол хүн өдөрт бие засах газар руу 5-6 удаа явж байвал хэвийн аж. Гэхдээ усны хэрэглээгээ битгий багасгаарай. Энэ шингэн бол бидний бие махбодод жинхэнэ эмчилгээ хийдэг шидэт рашаан юм. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй