“60 тэрбум”-ын Ц.Сандуйг огцруулахыг хэн хүсэв?
2016 оны 8 сарын 12

Сонгуулиар нийслэлд МАН-ынхан олонхийн суудал авсанаар Ц.Сандуй НИТХ-ын дарга болсон билээ. Сонгуулиас өмнө тэрбээр намын дарга М.Энхболдтойгоо нам нь ялалт байгуулсан тохиолдолд хэлт­сийн даргаас дээших албан тушаалд томилогдсон хүмүүс нийт 60 орчим тэрбум төгрөг босгож болох талаар ярьж байсан бичлэгийг олон нийтэд хүргэж байсан. Цагтаа М.Энхболдыг хотын дарга байх үед нь Газрын албаны дар­гаар ажиллаж байсан тэрбээр ийнхүү даргыгаа даган улс төрд орж дарганцар болсон түүхтэй.     
   
Сүүлийн үед албан тушаалын наймаа газар авч, Ц.Сандуйг дээрх 60 тэрбумын асуудал болон бас бус ёс зүйгүй асуудлаас нь болж НИТХ-ын даргаас нь огцруулна гэсэн яриа гарах болсон. Ц.Сандуйгийн удирдлагад 44 ир­гэдийн төлөөлөгч бий. Тэдний дийлэнх нь МАН-ын ги­шүүд. Тэгэхээр албан тушаалаа аваад удаагүй байгаа түүнийг огцруулах тухай яриа гарсан нь Нийслэлийн МАН-ын доторх фракцийн зөрчил дээд цэгтээ хүрсэнийг илтгэж байна.
   
Одоогоор Ц.Сандуйг огцруулах ажлыг сэдсэн хүнийг тодруулах ажиллагаа явагдаж буй бөгөөд саяхан намын генсекийн ажил авсан Д.Амарбаясгаланг хардах хүмүүс цөөнгүй байгаа аж. Намын томоохон албан тушаалд оч­сон НИТХ-ын төлөөлөгч Д.Амарбаясгалангийн бяр нь амтагдаж Ц.Сандуйг оролдож эхэллээ гэх яриа ч гарах бол­жээ. Үнэхээр иймэрхүү албан тушаалын төлөөх ил, далд тэмцэл өрнөж буй эсэх нь цаг хугацааны эрхээр тодор­хой болох биз ээ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад