Л.Гүндалайн ”сэтгэлийг” АН хүлээж авахгүй
2016 оны 12 сарын 10

УИХ-ын гишүүн асан Л.Гүндалай АН-д хайр зарлаж, үүсгэн байгуулаад удаагүй "Ард түмнээ хайрлая" намаа орхихоор шийдсэн тухайгаа өчигдөр мэдээлсэн. Түүгээр зогсохгүй тэрбээр АН-д элсэх өргөдлөө намын Ерөнхий нарийн бичгийн дарга Л.Эрхэмбаярт өөрийн биеэр гардуулж өгсөн тухайгаа хэлсэн.

Гэтэл ард түмнээсээ "Оны хамгийн ичих булчирхайгүй хүн" гэх өргөмжлөлийг хүртэхэд хүргэсэн энэ их "хайр" руу нь АН-ын генсек Л.Эрхэмбаяр ус цацаж орхив бололтой. Тодруулбал, тэрбээр өөрийн твиттер хуудсаараа дамжуулан Л.Гүндалайгийн өргөдлийг хүлээн авах боломжгүй гэдгийг мэдэгджээ. Тэрбээр "Гүндалай АН-д гишүүнээр элсэх өргөдөлөө өөрийн биеэр ирж өгөв. Түүний өргөдлийг АН хүлээн авах боломжгүй" хэмээн бичсэн байна.

Ийнхүү хэд хэдэн туулайн араас хөөцөлдсөн Л.Гүндалай байнд ч үгүй, банзанд ч үгүй гэдэг нь болж, дахиад шинэ намын нэр бодож олох, аль эсвэл өөр намд "наалдах" арга зам үлдэж байх шиг.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй