О.Баасанхүү: МАХН-аас нэр дэвшигчийн боломжийг хааж байна
2017 оны 1 сарын 3
Монгол Улсын Ерөнхийлөгчийн сонгуулийн тухай хуулийг өргөн барьсан асуудлаар УИХ-ын гишүүн О.Баасанхүү мэдээлэл хийлээ. Мэдээллийн эхэнд Ерөнхийлөгчийн сонгуулийн тухай хуулийн төслийг Үндсэн хуулийг бүдүүлгээр зөрчсөн хууль болж байгааг онцлов. Тэрбээр:
 
Ерөнхийлөгчийн сонгуулийн тухай хуулийн төсөлд 45 нас хүрсэн, сүүлийн таван жил Монголд оршин суусан байх ёстой гэсэн заалт байгаа. Үндсэн хуулинд Монгол Улсын иргэн гадаадад зорчиж, амьдарч болох бүрэн эрхтэй гэж заасан байдаг. МАХН-аас нэр дэвшүүлэх боломжтой хүмүүсийн боломжийг хааж байгаа юм. Өргөн барьсан хуулиар бол зөвхөн УИХ-ын гишүүн л нэр дэвших эрхтэй болчихож байна. Ер нь бол УИХ-ын гишүүд ч ажлын айлчлал хийж гадаадад хэсэг хугацаанд амьдардаг. Ер нь МАН-ын гишүүн л нэр дэвшинэ гэж заахаас бусад заалтыг энэ хуулинд оруулсан.
 
Мөн шударга бус, тэгш бус хууль өргөн барьсан гэж үзэж байна. Монголд 21 улс төрийн нам байдаг ч зөвхөн УИХ-д суудалтай 3 нам л нэр дэвшүүлэх эрхтэй болж байгаа нь буруу. Аливаа улс төрийн намаас нэр дэвшүүлэхдээ заавал тухайн намын гишүүн байх ёстой гэсэн заалт байгаа юм. Бас хамтарч нэр дэвшүүлж болох тухай заалт байгаа нь УИХ-д ганц суудалтай МАХН-ыг буланд шахсан үйлдэл.
 
МАХН нэр дэвшигчийнхээ зардлыг 100 хувь хандиваар босгоно. Өмнө нь нэр дэвшсэн Н.Удвал их өрөнд ороод шүүх цагдаагаар явж хүнд байдалд орсон. Энэ удаад шударга ард түмэн 20 сая ам.доллартай тэнцэх хэмжээний хандивыг босгох боломжтой гэж үзэж байгаа хэмээн мэдэгдэв.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
ОУВС-ын Өргөтгөсөн санхүүжилтийн хөтөлбөрт хамрагдах нь зөв үү?
  • Зөв
  • Буруу
  • Мэдэхгүй